ფორმულა 1-მა ოფიციალურად დაადასტურა ბოლო ოთხი ლოკაცია, რომელებიც "სამეფო რბოლების" საფინალო ეტაპებს უმასპინძლებენ. ამგვარად, 2020 წლის სეზონში ჩემპიონს საბოლოოდ 16 გრან პრი გამოავლენს.

ბოლო ევროპული ქვეყანა, რომელიც მიმდინარე სეზონში "ბებერი კონტინენტის" ეტაპს დახურავს, თურქეთი იქნება, რომელმაც ფორმულა 1-ის რბოლას უკანასკნელად 2011 წელს უმასპინძლა. "ინსტანბულ პარკზე" გრან პრი 13-15 ნოემბერს ჩაივლის.

ევროპული ეტაპის შემდეგ, ფომულა 1 აზიაში გადაინაცვლებს, სადაც სამი რბოლა გაიმართება. ზედიზედ ორ გრან პრის ბაჰერინი უმასპინძლებს. "Gulf Air Bahrain"-ის ეტაპი 27-29 ნოემბერს შედგება, ხოლო "Rolex Sakhir"-ის გრან პრი 4-6 დეკემბერს.

Here's the updated 2020 race calendar 👀#F1 pic.twitter.com/o6INhA3YY8
— Formula 1 (@F1) August 25, 2020

2020 წლის სეზონი კი ტრადიციულად არაბთა გაერთიანებულ საამიროებში დასრულდება. ფინალურ რბოლას აბუ დაბი 11-13 დეკემბერს უმასპინძლებს.

შეგახსენებთ, რომ უკვე ჩავლილი ექვსი ეტაპის შემდეგ, ფორმულა 1-ის საერთო ჩათვლას 132 ქულით მერსედესის პილოტი, ლუის ჰემილტონი ლიდერობს. მეორე პოზიციას კი რედ ბულის მრბოლელი, მაქს ფერსტაპენი იკავებს, რომლის აქტივშიც 95 ქულაა. ლიდერთა სამეულს კი გერმანული გუნდის მეორე პილოტი, ვალტერი ბოტასი (89 ქულა) ასრულებს.

F1 - 2020 სეზონის კალენდარი სრულად დაკომპლექტდა

ბოლო 4 მასპინძელი ცნობილია

ფორმულა 1-ის სეზონი აბუ დაბიში დასრულდება

უახლესი ამბები