DreamHack Open Fall 2020 - პლეი-ოფების პირველი დღის პირველი მატჩი სტარტს თბილისის დროით 15:00 საათზე აიღებს. 19 ოქტომბერს ტურნირის ფარგლებში სულ სამი შეხვედრა გაიმართება.

Astralis vs. GODSNET - 15:00 საათზე თბილისის დროით
პლეი-ოფებს დანიური Astralis-ის და ევროპული GODSENT-ის დაპირისპირება გახსნის. ამ მატჩის უპირობო ფავორიტი, რა თქმა უნდა, Astralis-ია, რომელიც HLTV-ს რეიტინგში პირველ ადგილს იკავებს, ხოლო მათი ოპონენტი - ოცდამეერთეს. ამ ორი კოლექტივის შესახებ დიდ ყურადღებას არ გავამახვილებთ, რადგან მარტივი მისახვედრია თუ ვინ გახდება გამარჯვებული. მაგრამ შეგახსენებთ მხოლოდ ერთს, დაახლოებით ორი კვირის წინ, ESL Pro League-ის გრანდ-ფინალში GODSENT-ზე ბევრად უფრო ძლიერი Natus Vincere დაამარცხა და აღვნიშნავთ, რომ კარანტინის გამო GODSENT-ის მოთამაშეებს ერთად არც კი უვარჯიშიათ, რასაც Astralis-ზე ვერ ვიტყვით, რომელშიც ხუთივე მოთამაშე დანიელია.

შეხვედრის სავარაუდო შედეგი: 2:0 Astralis-ის სასარგებლოდ

North vs. Fnatic - 18:30 საათზე თბილისის დროით
დღის მეორე მატჩი ბევრად უფრო თანაბარი და საინტერესო უნდა იყოს, მაგრამ ჩვენ ფავორიტად მაინც შვედებს დავასახელებთ Fnatic-დან, რომლებიც მიუხედავად იმისა, რომ ფორმიდან არიან ამოვარდნილები, მაინც სახიფათო ძალას წარმოადგენენ. ამის გარდა კოლექტივების პირად შეხვედრებს თუ გადავხედავთ ბოლო სამი მატჩიდან სამივე Fnatic-მა მოიგო და როდესაც ეს უკანასკნელი ტოპ-ტურნირებზე საუკეთესო გუნდებს ეთამაშება, North მონაწილეობას მეორეხარისხოვან ჩემპიონატებში იღებს და ისეთი კოლექტივების წინააღმდეგ თამაშობს, როგორებიცაა forZe, Gambit, Sprout და ა.შ. ჩვენი აზრით გამარჯვებას Fnatic მოიპოვებს, მაგრამ "ჩრდილოეთმა" კლანჭები მაინც უნდა გამოაჩინოს, რადგან მასში ერთ-ერთი საუკეთესო მოთამაშეები და ერთ-ერთი ყველაზე გამოცდილი კაპიტანი, მატიას "MSL" ლაურიდსენი თამაშობენ.

შეხვედრის სავარაუდო შედეგი: 2:1 Fnatic-ის სასარგებლოდ

BIG vs. G2 Esports - 22:00 საათზე თბილისის დროით
დღის ბოლო და მესამე შეხვედრა, ალბათ, ყველაზე საინტერესო საყურებელი იქნება, რადგან ერთის მხრივ არასტაბილური BIG თამაშობს, ხოლო მეორეს მხრივ კი ფორმიდან ამოვარდნილი და სუსტი G2 Esports. ამ მატჩში გამარჯვებულის მტკიცედ დასახელბა უკვე შედარებით რთულია, მაგრამ არჩევანს იოჰანეს "tabseN" უოვარდაცის კოლექტივის სასარგებლოდ გავაკეთებთ. ეს ორი გუნდი ერთმანეთს კარგად იცნობს, მაგრამ შორს რომ არ წავიდეთ, ბოლო სამი შეხვედრიდან ორი BIG-ს აქვს მოგებული. რუკების სტატისტიკას თუ შევხედავთ, G2-ს საუკეთესო რუკა Vertigo-ა, რომელზეც შვიდი მოგება და ოთხი მარცხი აქვს, მას უკვე Nuke მოჰყვება 57%-ანი მოგების მაჩვენებლით, ხოლო BIG კი ყველაზე ცუდად სწორედ ამ რუკებზე თამაშობს. იმ შემთხვევაში თუ გერმანელები ამ ორი რუკიდან ერთ-ერთს მაინც ბანს დაადებენ, მაშინ მათი მოგების შანსი ერთი-ორად გაიზრდება. სავარაუდოდ G2 Esports თავის ერთ რუკას მოიგებს, მაგრამ სერიის გამარჯვებული გერმანული კლუბი იქნება

შეხვედრის სავარაუდო შედეგი: 2:1 BIG-ის სასარგებლოდ

პლეი-ოფები:

DreamHack Open Fall 2020-ის პლეი-ოფების პირველი დღის მატჩების განხილვა

დღეს ტურნირის ფარგლებში სულ სამი შეხვედრა გაიმართება

პირველი შეხვედრა თბილისის დროით 15:00 საათზე დაიწყება

უახლესი ამბები