DreamHack Open Fall 2020 - პლეი-ოფების მესამე დღის პირველი მატჩი სტარტს თბილისის დროით 15:00 საათზე აიღებს. 21 ოქტომბერს ტურნირის ფარგლებში სულ სამი შეხვედრა გაიმართება.

Astralis vs. Fnatic - 15:00 საათზე თბილისის დროით
21 ოქტომბერს ბევრად უფრო საინტერესო და სანახაობრივი მატჩები გველოდება წინ, ვიდრე პირველ და მეორე დღეს იყო. დღის პირველ შეხვედრაში ერთანეთს შვედური Fnatic და დანიური Astralis შეხვდებიან. ამ მატჩის ფავორიტები რა თქმა უნდა დანიელები არიან, რომლებიც შესანიშნავ ფორმაში იმყოფებიან, თან მათ ერთ-ერთი ლიდერი - ანდრეას "Xyp9x" ჰოისლეტი დაუბრუნდათ, რომელმაც ინტერვიუში თქვა, რომ მოტივაციით არის აღსავსე და გამარჯვება სწყურია. დანიელები კარგ განწყობაზეც უნდა იყვნენ, რადგან ეს ESL Pro League Season 12-ის მოგების შემდეგ პირველი ტურნირია. მეორეს მხრივ არის Fnatic რომელიც Astralis-ის დონის გუნდი კი არის, მაგრამ მათი მაკრო თამაში ბევრად უფრო სუსტია, თუმცა დიდი ალბათობით ისინი თავიანთი ერთი რუკის მოგებას მოახერხებენ, მაგრამ სერიაში გამარჯვება Astralis-მა უნდა მოიპოვოს.

შეხვედრის სავარაუდო შედეგი: 2:1 Astralis-ის სასარგებლოდ

G2 Esports vs. OG - 18:30 საათზე თბილისის დროით
ეს კი არის ორი სუპერარასტაბილური გუნდების დაპირისპირება. ნამდვილად რთულია იმის თქმა ვინ გაიმარჯვებს ამ დაპირისპირებაში, რადგან G2 Esports-მა ჯგუფში მეორე ადგილი დაიკავა, ხოლო OG-მ კი მესამე, მაგრამ G2 შედარებით უფრო არასტაბილური გუნდია, ვიდრე OG, ამიტომაც მისგან ყველაფერს უნდა ველოდოთ, თუმცა აუცილებლად უნდა აღვნიშნოთ, რომ ნათან "NBK-" შმიტის კოლექტივი უფრო დალაგებულ Counter-Strike-ს თამაშობს. ამ გუნდების ბოლო ხუთ დაპირისპირებას თუ გადავხედავთ G2 Esports-მა OG ოთხჯერ დაამარცხა, თუმცა მას შემდეგ OG ბევრად უფრო განვითარდა და თამაში როგორც უკვე აღვნიშნეთ დაალაგა, ამიტომაც ჩვენ არჩევანს OG-ზე გავაკეთებთ.

შეხვედრის სავარაუდო შედეგი: 2:1 OG-ს სასარგებლოდ

NiP vs. FaZe Clan - 22:00 საათზე თბილისის დროით
დღის მესამე და ბოლო მატჩში ერთმანეთს შვედური Ninjas in Pyjamas და ევროპული FaZe Clan დაუპირისპირდებიან. ამ მატჩის ფავორიტი რა თქმა უნდა FaZe Clan-ია, რომელმაც IEM New York NiP-ზე ბევრად უფრო ძლიერი Team Vitality 3:0 გაანადგურა, მაგრამ სავარაუდოდ ჰამპუს "hampus" პოზერის კოლექტივი თავისი ერთი რუკის მოგებას მაინც მოახერხებს, თუმცა დანამდვილებით ვერც ამას ვიტყვით, რადგან შვედები უბრალოდ ბევრად უფრო სუსტები არიან.

შეხვედრის სავარაუდო შედეგი: 2:1 FaZe Clan-ის სასარგებლოდ

პლეი-ოფები:

DreamHack Open Fall 2020-ის პლეი-ოფების მესამე დღის მატჩების განხილვა

დღეს ტურნირის ფარგლებში სულ სამი შეხვედრა გაიმართება

პირველი შეხვედრა თბილისის დროით 15:00 საათზე დაიწყება

უახლესი ამბები