DreamHack Open Fall 2020 - პლეი-ოფების მეექვსე დღის პირველი მატჩი სტარტს თბილისის დროით 15:00 საათზე აიღებს. 24 ოქტომბერს ტურნირის ფარგლებში სულ ოთხი შეხვედრა გაიმართება.

Heroic vs. NiP - 15:00 საათზე თბილისის დროით
დღის პირველ შეხვედრაში ერთმანეთს დანიური Heroic და შვედური Ninjas in Pyjamas შეხვდებიან. Ninjas in Pyjamas ტურნირის ნამდვილი აღმოჩენაა - გუნდი რომლისაც არავის სჯეროდა ჩემპიონატზე შესანიშნავად თამაშობს, მაგრამ გუშინდელის მსგავსად ჩვენ დღესაც იგივე აზრზე ვართ, რომ NiP-ს Heroic-თან აღარ უნდა გაუმართლოს და მათი ვოიაჟი უნდა დასრულდეს, რადგან Heroic სულ სხვა დონის გუნდია, რომელიც Fnatic-ზე და FaZe-ზე უფრო კარგ და დალაგებულ Counter-Strike-ს თამაშობს, მიუხედავად იმისა, რომ ბოლო ხუთი თამაშიდან სამი "ნინძებს" აქვთ მოგებული. რუკების სტატისტიკის მხრივ Heroic-ს Dust2-ზე ბოლო სამი თვის განმავლობაში მხოლოდ ერთი მატჩი აქვს ჩატარებული და წაგებული, ამიტომაც დიდი ალბათობით ისინი ამ რუკას ბანს დაადებენ, დანარჩენებზე მათი მოგების მაჩვენებელი 53%-ს სცდება, რაც ფანტასტიური შედეგია, რაც შეეხება Ninjas in Pyjamas-ს, მათ მოგების დადებითი მაჩვენებელი მხოლოდ სამ რუკაზე აქვთ.

შეხვედრის სავარაუდო შედეგი: 2:1 Heroic-ის სასარგებლოდ

BIG vs. Fnatic - 18:30 საათზე თბილისის დროით
მეხუთე ადგილისთვის გერმანული BIG და შვედური Fnatic იბრძოლებენ და ამ მატჩის გამარჯვებულის დასახელება ნამდვილად რთულია, მაგრამ არჩევანს BIG-ზე გავაკეთებთ, რომელიც უფრო კარგ ფორმაშია, ვიდრე Golden-ის Fnatic-ი. პირად შეხვედრების სტატისტიკას თუ შევხედავთ ბოლო სამი მატჩიდან ორში გამარჯვება გერმანელებს აქვთ მოპოვებული. HLTV-ს რეიტინგში იოჰანეს "tabseN" ვოდარცის კოლექტივს მეშვიდე ადგილი უკავია, ხოლო Fnatic-ს კი მეთორმეტე. Fnatic-ს ბოლო სამი თვის განმავლობაში მოგების დადებითი მაჩვენებელი მხოლოდ Vertigo-ზე და Dust2-ზე აქვთ, ხოლო BIG-ს კი პრობლემები მხოლოდ Vertigo-ზე და Nuke-ზე აქვთ და ისინი დიდი ალბათობით პირველ რუკას ბანს დაადებენ და Fnatic-ს კიდევ უფრო დიდ პრობლემებს შეუქმნიან. შვედები ერთ რუკას მოიგებენ, მაგრამ სერიის გამარჯვებული BIG იქნება.

შეხვედრის სავარაუდო შედეგი: 2:1 BIG-ის სასარგებლოდ

Sprout vs. OG - 22:00 საათზე თბილისის დროით
დღის მესამე მატჩის ფავორიტი რა თქმა უნდა ნათან "NBK-" შმიტის OG-ია, რომელსაც HLTV-ს რეიტინგში მერვე ადგილი უკავია, ხოლო მის ოპონენტს კი მეოცე. ამ მატჩზე დიდ ყურადღებას არ გავამახვილებთ, რადგან ბევრისთვის ისედაც გასაგებია, თუ რატომ არის OG შეხვედრის ფავორიტი, რომელიც უბრალოდ ბევრად უფრო ძლიერი გუნდია, ვიდრე Sprout-ი.

შეხვედრის სავარაუდო შედეგი: 2:0 OG-ს სასარგებლოდ

Astralis vs. TBD - 22:00 საათზე თბილისის დროით
ტურნირის წაგებულთა კალათის ფინალში Heroic-ის და Ninjas in Pyjamas-ის გამარჯვებულს Astralis-ი ელოდება და ცხადია ორივესთან ფავორიტი Astralis-ია, მაგრამ იმ შემთხვევაში თუ ფინალში Heroic გავიდა, მაშინ ძალიან თანაბარ და სერიოზულ დაპირისპირებას უნდა ველოდოთ, სადაც შესაძლებელია ყველაფერი მოხდეს.

შეხვედრის სავარაუდო შედეგი: 2:1 Astralis-ის სასარგებლოდ

პლეი-ოფები:

DreamHack Open Fall 2020-ის პლეი-ოფების მეექვსე დღის მატჩების განხილვა

დღეს ტურნირის ფარგლებში სულ ოთხი შეხვედრა გაიმართება

პირველი შეხვედრა თბილისის დროით 15:00 საათზე დაიწყება

უახლესი ამბები