ფრანგმა კიბერსპორტსმენმა ფაბიენ "kioShiMa" ფიემ განაცხადა, რომ მისი პროფესიონალური კარიერა დასასრულს უახლოვდება. ფიემ აღნიშნა, რომ ის თამაშისგან სიამოვნებას აღარ ღებულობს. ინფორმაცია ამის შესახებ ფრანგის Twitter-ში გავრცელდა.

kioShiMa-ს არ დაუზუსტებია როდის აპირებს CS:GO-დან წასვლას და რით დაკავდება კარიერის დასრულების შემდეგ. ზოგიერთი ვარაუდობს, რომ ფრანგი Valorant-ში გადასვლას გეგმავს.

ფიემ კიბერსპორტსმენის კარიერა 2011 წელს დაიწყო. ის ისეთ გუნდებში თამაშობდა, როგორებიცაა Cloud9, FaZe Clan, Team EnVy, Team LDLC და ა.შ. kioShiMa-მ მთელი თავისი კარიერის განმავლობაში 378 000 დოლარზე მეტი გამოიმუშავა.

KioShiMa CS:GO-ს პრო-მოთამაშის კარიერის დასრულებას აპირებს

უახლესი ამბები