8 ნოემბერს 04:30 საათიდან UFC–მ მორიგი ღონისძიება გამართა. ქართველი გულშემატკივრებისთვის განსაკუთრებულად საინტერესო იყო გიგა ჭიკაძის გამოსვლა. ჩვენებური აღნიშნულ ორგანიზაციაში დებიუტანტ ჯეიმი სიმონსს დაუპირისპირდა.

პირველივე რაუნდში სიმონსმა სამჯერ სცადა თეიქდაუნის შესრულება, თუმცა ჩვენებურმა თავი კარგად დაიცვა, მან მეტოქე მარტივად გაშიფრა და ის დაანოკაუტა კიდეც. შესაბამისად, ჭიკაძემ UFC–ში რიგით მეხუთე გამარჯვება მოიპოვა და კვლავ დაუმარცხებელია.

უნდა ითქვას, რომ გიგა ჭიკაძემ Performance Of The Night ბონუსი მიიღო, რაც კიდევ ერთხელ აღნიშნავს იმ ფაქტს, რომ ქართველის გამოსვლა ჩინებული იყო.

შეგახსენებთ, აღნიშნულ ბრძოლამდე, გიგას UFC–ში ოთხი ბრძოლა ჰქონდა გამართული და თითოეული მათგანი გამარჯვებით დაასრულა. უკანასკნელად მან ერთი თვის წინ იბრძოლა, როცა ოქტაგონზე დაუმარცხებელ ვენესუელელ სპორტსმენს – ომარ მორალესს შეხვდა და მარცხი აგემა.

Performance Of The Night! - ჭიკაძემ ბონუსი მიიღო

მან მეტოქე დაანოკაუტა

ასევე იხილეთ

უახლესი ამბები