Playstation 5-ის მფლობელებს, მათ შორის ცნობილი ჟურნალების რედაქტორებს და ბლოგერებს აპლიკაციების და თამაშების გადმოწერის პრობლემა აქვთ. შეცდომის გასწორება შესაძლებელია, მაგრამ ამისთვის კონსოლის ქარხნულ პარამეტრებზე დაყენება და ყველაფრის ხელახლა ჩაწერაა საჭირო.

IGN-ის ჟურნალისტების თქმით მათ რედაქციაში სამმა ადამიანმა Call of Duty: Black Ops Cold War-ის ჩაწერა ვერ შეძლო. თამაშის გადმოწერის მცდელობისას მათ შეტყობინება მისდით, რომ "თამაში გადმოწერის რიგშია", თუმცა ფაილების გადაცემის პროცესი არ მიმდინარეობს, ხოლო ჩაწერის პროცესის გაჩერება და ხელახლა დაწყება კი შეუძლებელია. ამის გარდა ჟურნალისტებმა კიდევ ერთი შეცდომა აღმოაჩინეს - PS5-ის ბიბლიოთეკა აჩვენებს, რომ შუთერი მომხმარებელს ეკუთვნის, მაგრამ ციფრული მაღაზია იტყობინება, რომ მომხმარებელი თამაშს არ ფლობს და ყიდვას სთავაზობს.

ანალოგიური შეცდომა შეამჩნიეს Godfall-ის, Demon's Souls-ის, Sackboy: A Big Adventure-ის, Spider-Man: Miles Morales-ის და Disney+ის გადმოწერის მსურველებმა. სავარაუდოდ პრობლემა კონსოლის ოპერაციული სისტემის გაუმართაობით არის გამოწვეული.

Playstation 5-ის მფლობელებს თამაშების გადმოწერა არ შეუძლიათ

უახლესი ამბები