ნორვეგიამ მსოფლიო ჩემპიონატის მასპინძლობაზე განაცხადის შეტანა დააგვიანა

ნორვეგიის ბიატლონისტთა კავშირის პრეზიდენტმა, არნე ჰოტენმა განაცხადა, რომ ქვეყანას 2025 წელს მსოფლიო ჩემპიონატის მასპინძლობა სურდა, მაგრამ განაცხადის შეტანა დააგვიანეს. 

"რა თქმა უნდა დაინტერესებულნი ვართ, რომ ბიატლონის მსოფლიო ჩემპიონატს კიდევ ერთხელ ვუმასპინძლოთ. 2025 წლისთვის განაცხადი გავაგზავნეთ, მაგრამ უკვე დაგვიანებული აღმოჩნდა, რის გამოც მასპინძელი ქვეყნების კანდიდატთა შორის ვერ მოვხვდით".

შესაძლოა, გვქონდა კარგი შანსი, რომ ჩემპიონატისთვის გვემასპინძლა. თუმცა, იყო შეგრძნება, რომ ამისთვის ბოლომდე მზად არ ვიყავით, ამიტომ უკეთესი იქნება თუ გათამაშებას 2027 წელს ვუმასპინძლებთ", - განაცხადა ჰოტენმა.

Stygg bom av skiskytterforbundet https://t.co/iyYcuNi44A #nrksport

— NRK Sport (@NRK_Sport) November 24, 2020

აღნიშნულთან დაკავშირებით კომენტარი გააკეთა მსოფლიოს 10-გზის ჩემპიონმა, იოჰანეს ბომ, რომელიც გეგმავს, რომ პროფესიონალური კარიერა 2026 წლის ზამთრის ოლიმპიური თამაშების შემდეგ დაასრულოს: "დასანანია, რომ 2025 წელს ნორვეგია მსოფლიო ჩემპიონატს ვერ უმასპინძლებს. ჰოლმენკოლენი შესანიშნავი ადგილია. 

რა თქმა უნდა, ისეთი ხალხმრავალი დაჯილდოების ცერემონია, როგორიც 2016 წელს იყო, დღევანდელ დღეს წარმოუდგენელია, მაგრამ მაშინ მთელი ერი ძალიან ვხარობდით".

შეგახსენებთ, რომ ბოლოს ნორვეგიამ ბიატლონის მსოფლიო ჩემპიონატს 2016 წელს უმასპინძლა.