League of Legends-ის ცნობილი ვეტერანების სია, რომლებიც 2020 წელს გვტოვებენ კიდევ უფრო იზრდება. სამხრეთ კორეელმა მიდლეინერმა და მსოფლიო ჩემპიონმა ლი "Crown" მინ-ჰომ პროფესიონალური კარიერა დაასრულა და მაუსი ლურსმანზე ჩამოკიდა. 25 წლის გეიმერმა ეს Instagram-ში დააანონსა.

Crown League of Legends-ში 2014 წელს გამოჩნდა, მას შემდეგ რაც StarCraft II-ის პროფესიონალური სცენა დატოვა. 2017 წელს მან Samsung Galaxy-სთან ერთად მსოფლიო ჩემპიონატი მოიგო, გრანდ-ფინალში Crown-მა Faker-ის SK Telecom T1 დაამარცხა.

2019 წელს Crown ჩრდილოეთ ამერიკაში გადაბარგდა, სადაც OpTic Gaming-ის ღისებას იცავდა, თუმცა გუნდმა შედეგები ვერ აჩვენა. გეიმერის ბოლო გუნდი OZ Gaming იყო, რომელსაც 2020 წლის აპრილში შეუერთდა.

უცნობია სამუდამოდ დატოვებს Crown-ი League of Legends-ის პროფესიონალურ სცენას თუ რომელიმე ორგანიზაციაში მწვრთნელის ან სტრიმერის პოსტს დაიკავებს.

League of Legends-ის მსოფლიო ჩემპიონმა კარიერა დაასრულა

Crown 25 წლის არის

უახლესი ამბები