ფორმულა E-მ ოფიციალურად დაადასტურა, რომ 2021 წლის სეზონის პირველი ეტაპი აღარ გაიმართება და გაურკვეველი ვადით გადაიდო.

ჩილეს დედაქალაქს ელექტრომობილების რბოლების ორი ეტაპისთვის მომავალი წლის 16 და 17 იანვარს უნდა ემასპინძლა. განცხადებაში ვკითხულობთ, რომ ფორმულა E სანტიაგოს მთავრობასთან მოლაპარაკებებს აწარმოებს, რათა რბოლები მოგვიანებით, 2021 წლის პირველ კვარტალში გაიმართოს.

ზემოაღნიშნული გადაწყვეტილების მიზეზი კვლავ კორონავირუსის პანდემიასთან დაკავშირებული ეპიდსიტუაციაა. მოგეხსენებათ, რომ დიდ ბრიტანეთში კორონავირუსის ახალი შტამის ინფექცია გაჩნდა და გამომდინარე იქიდან, რომ ფორმულა E-ს გუნდების დიდი ნაწილი სწორედ ბრიტანეთშია ბაზირებული, ჩილეში გადაწყვიტეს, რომ ამ ქვეყნიდან ჩასული ყველა სუბიექტი ვალდებული იქნება 2-კვირიანი კარანტინი გაიაროს.

ამგვარად, მოსალოდნელია, რომ 2021 წლის სეზონი საუდის არაბეთის E-პრით, 26 თებერვალს დაიწყება.

In consultation with the Santiago municipality, the #SantiagoEPrix has been postponed.

The races will no longer take place as a double-header on January 16 and 17 and we are working with the city to finalise dates on which to stage the races later in Q1 of 2021. pic.twitter.com/l4mERGpU0K
— ABB FIA Formula E World Championship (@FIAFormulaE) December 22, 2020

ფორმულა E - პირველი ეტაპი გადაიდო

ახალი სეზონის პირველი ეტაპი გაურკვეველი ვადით გადაიდო

ასევე იხილეთ

უახლესი ამბები