კიბერსპორტული კლუბი Spacestation Gaming რომლის ერთ-ერთი წევრი ქართველი კიბერსპორტსმენი ნიკა "Nika" პატარაიაა SMITE World Championship 2021-ს გამოეთიშა. მეოთხედფინალში Nika-ს კოლექტივი Pittsburgh Knights-თან ანგარიშით 2:3 დამარცხდა და ჩემპიონატზე 5-6 ადგილი დაიკავა.

აღსანიშნავია, რომ Spacestation Gaming-მა best-of-5 ფორმატის მატჩში ორი რუკის მოგება მოახერხა, თუმცა შემდეგ ზედიზედ სამი რუკა წააგო. Pittsburgh Knights ჩემპიონატის ნახევარფინალში გავიდა, სადაც მას Radiant ელოდება.

SMITE World Championship-ის ძირითადი ეტაპი 8 იანვარს დაიწყო და 10 იანვარს დასრულდება. ტურნირის საერთო საპრიზო ფონდი 600 000 დოლარს შეადგენს, გამარჯვებული 400 000 დოლარს მიიღებს.

ნიკა "Nika" პატარაია ქართველი კიბერსპორტსმენია, რომელმაც SMITE-ის პროფესიონალი მოთამაშის კარიერა 2015 წელს დაიწყო. მისი პირველი გუნდი VwS Gaming იყო. 2020 წლის იანვრიდან Spacestation Gaming-ის ღირსებას იცავს. კარიერის განმავლობაში 20 000 დოლარი აქვს გამომუშავებული.

ქართველი კიბერსპორტსმენის გუნდი SMITE-ის მსოფლიო ჩემპიონატს გამოეთიშა

Spacestation Gaming Pittsburgh Knights-თან 2:3 დამარცხდა

Spacestation Gaming შეხვედრას 2:0 იგებდა, მაგრამ "რაინდებმა" დაბრუნება შეძლეს

უახლესი ამბები