სკუდერია ფერიარის მონეგასკ პილოტს, შარლ ლეკლერს კორონავირუსი დაუდასტურდა - აღნიშნულის შესახებ, მრბოლელმა სოციალურ ქსელში ინფორმაცია ტავად გაავრცელა.

"მოგესალმებით,

ვიმედოვნებ, ყველანი კარგად ხართ და თავს უფრთხილდებით. მინდა გაცნობოთ, რომ კორონავირუსზე ჩატარებული ტესტის შემდეგ, დადებითი პასუხი მივიღე.

ჩვენი გუნდის უსაფრთხოების პროტოკოლის თანახმად, COVID-19-ზე შემოწმებას რეგულარულად ვიტარებდი. სამწუხაროდ, ცოტა ხნის წინ გავიგე, რომ კონტაქტი მქონდა ადამიანთან, რომელსაც ვირუსი დაუდასტურდა. ამის შემდეგ, სასწრაფოდ გადავედი თვითიზოლაციაში და ყველას მომხდარის შესახებ ვაცნობე ყველას, ვისთანაც, უკანასკნელ პერიოდში ახლო ურთიერთობა მქონდა. ხოლო, ტესტი, რომელიც დამატებით ჩავიტარე, დადებითი პასუხი აჩვენა.

საერთო ჯამში თავს კარგად ვგრძნობ და ვირუსისთვის დამახასიათებელი უმნიშვნელო სიმპტომები მაქვს. ვაგრძელებ თვითიზოლაციაში ყოფნას საკუთარ სახლში, მონაკოში, წესების სრული დაცვით.

თავს გაუფრთხილდით", - წერს შარლი.

შეგახსენებთ, რომ ლეკლერი გახდა ფორმულა 1-ის მეხუთე მრბოლელი, რომელიც კორონავირუსით დაინფიცირდა. აქამდე, ვირუსის დამარცხება ლანდო ნორისმა, ლენს სტრლმა, სერხიო პერესმა და ლუის ჰემილტონმა შეძლეს.

pic.twitter.com/kxgkNlGKNV
— Charles Leclerc (@Charles_Leclerc) January 14, 2021

ლეკლერს კორონავირუსი დაუდასტურდა

ლეკლერი თვითიზოლაციაშია და თავს კარგად გრძნობს

უახლესი ამბები