გორის მუნიციპალიტეტის სპორტის განვითარებისა და ხელშეწყობის სააგენტო იტყობინება, რომ ცნობილი ქართველი მწვრთნელი – ნუგზარ სხირელი გარდაიცვალა.

"ქართულმა სპორტმა მძიმე დანაკლისი განიცადა. გარდაიცვალა უძლიერესი მწვრთნელი და დიდებული ადამიანი – ნუგზარ სხირელი. ბატონი ნუგზარი, მსოფლიოს დონის სპეციალისტი, მსოფლიოს საჭიდაო სამყაროში საყოველთაოდ აღიარებული მწვრთნელი გახლდათ. ის იყო, გორში თავისუფალი ჭიდაობის სკოლის საფუძვლის ჩამყრელი. კერის, რომლის აღზრდილებსაც დიდი ხანია სახელი და დიდება მოაქვთ ჩვენი ქვეყნისათვის და რომლითაც დიდი ხანია ამაყობს საქართველო.

ნუგზარ სხირელის აღზრდილები არიან ოლიმპიური თამაშების, მსოფლიოს და ევროპის ჩემპიონატების ნამდვილი ტრიუმფატორები, უდიდესი სპორტსმენები თუნდაც მხოლოდ ლადო ხინჩეგაშვილისა და გენო პეტრიაშვილის ხსნება კმარა ამის დასტურად. მისი ტიტულოვანი შეგირდების სია კი ძალიან გრძელია...

გარდა ამისა, ნუგზარ სხირელი თავისუფალ ჭიდაობაში საქართველოს ახალგაზრდული ნაკრების მთავარი მწვრთნელი გახლდათ 21 წლის განმავლობაში და შესაბამისად, არა მხოლოდ გორელ ფალავნებზეა მისი ამაგი გაღებული.

ბატონი ნუგზარი აუნაზღაურებელი დანაკლისია ქართული სპორტისათვის. მისი გარდაცვალებით ფაქტობრივად ერთი დიდი ეპოქა დამთავრდა საჭიდაო სამყაროში. ეპოქა, რომლის მთავარი შემოქმედი ეს დიდი ადამიანი იყო. გორის მუნიციპალიტეტის სპორტის განვითარებისა და ხელშეწყობის სააგენტო სამძიმარს უცხადებს ბატონი ნუგზარის ოჯახს... ის ყველა ჩვენთაგანისთვის დაუვიწყარი იქნება", – ნათქვამია განცხადებაში.

Croco.ge გარდაცვლილის ოჯახს, ნათესავებს და მეგობრებს უსამძიმრებს.

⚫ ქართულმა სპორტმა მძიმე დანაკლისი განიცადა. გარდაიცვალა უძლიერესი მწვრთნელი და დიდებული ადამიანი – ნუგზარ სხირელი. ...
Posted by გორის მუნიციპალიტეტის სპორტის განვითარებისა და ხელშეწყობის სააგენტო on კვირა, 24 იანვარი, 2021

ნუგზარ სხირელი გარდაიცვალა

საქართველომ გამორჩეული მწვრთნელი დაკარგა

ასევე იხილეთ

უახლესი ამბები