Netflix ფორმულა 1-ზე ფილმს გადაიღებს

Autosport-ის ინფორმაციით, ამერიკული კომპანია Netflix-ი უახლოეს მომავალში ფორმულა 1-ის პილოტზე, რომელიც კრიმინალურ დაჯგუფებებთან არის კავშირში, მხატვრულ ფილმს "The Formula"-ს გადაიღებს.

წყაროს ცნობით, ფილმში მონაწილეობას ჰოლივუდის ვარსკვლავი და ორგზის ოსკაროსანი, რობერტ დე ნირო და "ვარსკვლავური ომების" ცნობილი მსახიობი, ჯონ ბოიეგა მიიღებენ. 

მხატვრული ფილმის რეჟისორი, პროდიუსერი და პროექტის სცენარისტი ჯერარდ მაკმიურეი იქნება. ასევე, პროდიუსერები იქნებიან რობერტ დე ნირო, ბარი უელში, რომელსაც ასევე, ფილმ "ირლანდიეზე" აქვს ნამუშევარი და ჯეინ როზენტალი - "ბოჰემური რაფსოდიის" ერთ-ერთი პროდიუსერი.

ფილმის სიუჟეტი მოგვითხრობს ფორმულა 1-ის დეტროიტელ პილოტზე, რომელიც იძულებული გახდება, რომ ოჯახის დასაცავად მაფიას დაეხმაროს.

Robert De Niro and John Boyega are set to star in a new fictional Netflix film set in the world of #F1https://t.co/0VuPd3ZABP

— Autosport (@autosport) January 25, 2021