კიბერსპორტულ კლუბ Fnatic-ის FIFA-ს შემადგენლობის ყოფილმა წევრმა ჰარი ჰესკეტმა პროფესიონალი მოთამაშის კარიერა დაასრულა. მიზეზი EA Sports-ის ტურნირებში მონაწილეობის მიღების აკრძალვა გახდა.

ჰესკეტი და ლაიპციგის კიბერსპორტსმენ ანდერს ვაირანგს ეთამაშებოდა და თან მატჩს Twitch-ზე სტრიმავდა, რა დროსაც Fnatic-ის ყოფილმა მოთამაშემ მეტოქის დედაზე ცუდად იხუმრა. მან მოგვიანებით აღიარა, რომ მისი კომენტარი შეურაცხმყოფელი იყო და ბოდიში მოიხადა.

EA Sports-მა ჰესკეტს ევროპის საკვალიფიკაციო ეტაპში მონაწილეობა აუკრძალა, რომელიც 6-7 თებერვალს არის დაგეგმილი. კიბერსპორტსმენი კომპანიის გადაწყვეტილებას არ დაეთანხმა და სხვა ჩემპიონატებში მონაწილეობაზეც უარი თქვა.

მოთამაშემ Fnatic-ის შემადგენლობაც დატოვა, რომელსაც 2020 წლის ივლისიდან წარადგენდა. ჰესკეტი YouTube-ის და Twitch-ის არხების განვითარებაზე ფოკუსირებას გეგმავს, სადაც მას 710 ათასი და 176 ათასი გამომწერი ჰყავს.

FIFA-ს პრო-მოთამაშეს მეტოქის შეურაცხყოფისთვის ტურნირებში მონაწილეობა აეკრძალა

ასევე იხილეთ

უახლესი ამბები