იანვარში აბსოლუტურმა საბრძოლო ჩემპიონატმა წლის ერთ–ერთი ყველაზე ხმაურიანი ორთაბრძოლა დასტინ პორიესა და კონორ მაკგრეგორს შორის გამართა. ბევრისთვის მოულოდნელად, "ბრილიანტმა" ორი წონითი კატეგორიის ყოფილი ჩემპიონი დაანოკაუტა.

ბრძოლის დასრულების შემდეგ, ორივე სპორტსმენმა გამოთქვა სურვილი, რომ ისინი ერთმანეთის წინაშე ოქტაგონზე მესამედაც წარსდგნენ. ირლანდიელის მწვრთნელი აცხადებს, რომ კარგი იქნება თუ მესამე ორთაბრძოლა ზაფხულამდე შედგება და ის სატიტულო იქნება.

ცნობილი გახდა, რომ დასტინ პორიეს სრული ეკიპირება, რომელიც მას ხსენებულ ღონისძიებაზე ეცვა, აუქციონზე გაიყიდა. მის სანაცვლოდ 26,200 დოლარი გადაიხადეს და თანხა ამერიკელი მებრძოლის მიერ დაარსებულ ფონდ The Good Fight Foundation–ში გადაირიცხა. აღნიშნულ ფონდს, ნახევარი მილიონი კონორ მაკგრეგორმაც შესწირა. იტყობინება talkSPORT.

mcgregor vs poirier 2-ის სურათის შედეგი

აქვე მოგახსენებთ, რომ პორიეს ფონდი ქველმოქმედებას უგანდასა და ლუიზიანაში ეწევა. ისინი გაჭირვებულ ოჯახებს ეხმარებიან. UFC 257–ის შემდეგ დასტინთან ბრძოლის სურვილი არაერთმა სპორტსმენმა გამოთქვა. მათ შორის იყვნენ ჩარლზ ოლივეირა, ნეიტ დიაზი და მაიკლ ჩენდლერიც.

პორიეს ეკიპირება აუქციონზე გაიყიდა

დასტინის ეკიპირება, რომელიც UFC 257–ზე ეცვა გაიყიდა

მასში 26,200 დოლარი გადაიხადეს

უახლესი ამბები