საქართველოს ძიუდოისტთა ნაკრებმა თელ-ავივში 2 ოროს, 1 ვერცხლის და 4 ბრინჯაოს მედალი მოიპოვა და ვაჟთა შორის გუნდური პირველი ადგილი დაიკავა.

დღეს, 20 თებერვალს, 90კგ-ში ლაშა ბექაურმა ფინალში იჭიდავა, სადაც ნიკოლოზ შერმაზადაშვილს შეერკინა. დაძაბული ბრძოლა ბექაურის გამარჯვებით დასრულდა და ოქროს დაეუფლა.

ბექა ღვინიაშვილი ბრინჯაოს მედლისთვის იბრძოდა. ის აზერბაიჯანელ მეჰიდევს შეხვდა და დააიპონა.

-100კგ-ში ილია სულამანიძე და ონისე სანებლიძე მესამე ადგილისთვის ერთმანეთს შეხვდნენ. ონისემ ილია დააიპონა და საქართველოს კიდევ ერთი მედალი შესძინა.

+100კგ-ში გელა ზაალიშვილი ფინალში გავიდა და რუსი მეტოქე ტატამზე დაამიწა - მორიგი ოქრო.

გურამ თუშიშვილი ბრინჯაოს მედლისთვის გაისარჯა. ის ბელარუსელ ვახავიაკს შეხვდა და ადვილად დაჯაბნა (იპონი).

გუნდური პირველი ადგილი

2 ოროს, 1 ვერცხლის და 4 ბრინჯაოს მედალი

ასევე იხილეთ

უახლესი ამბები