მოგეხსენებათ, რომ ორიოდე დღის წინ, აბსოლუტური საბრძოლო ჩემპიონთის პრეზიდენტმა, დანა უაითმა საზოგადოებას ოფიციალურად ამცნო, რომ დაუმარცხებელი დაღესტანელი, ხაბიბ ნურმაგომედოვი დაბრუნებაზე უარს ამბობს და მისი კარიერა დასრულებულია.

ამის შემდეგ კი UFC–მ ვაკანტური ქამრისთვის ბრძოლა ჩარლზ ოლივეირასა და მაიკლ ჩენდლერს შორის დააანონსა. ამ უკანასკნელს ყველაზე პრსტიჟულ ორგანიზაციაში დებიუტი წელს ჰქონდა და დენ ჰუკერი დაჯაბნა. Bellator–ის ყოფილ ჩემპიონს ახლა შანსი ეძლევა, რომ UFC–ს საჩემპიონო ქამარსაც დაეუფლოს. ოლივეირამ კი უკანასკნელად გასულ წელს იბრძოლა და ტონი ფერგიუსონს შანსი არ დაუტოვა.

For the lightweight belt! 🏆

Charles Oliveira vs Michael Chandler is official for #UFC262 in Texas!

🎟️ https://t.co/Ts5oOKEyWJ pic.twitter.com/Vn0KfkxQzw
— UFC Europe (@UFCEurope) March 19, 2021

"ამ მომენტს, დიდი ხნის განმავლობაში ველოდი. მე ეს დავიმსახურე. სატიტულო ბრძოლა არასდროსაა მარტივი. ჩენდლერი გამოცდილი და ძლიერი მოწინააღმდეგეა, თუმცა ახლა მე დიდებული შანსი მომეცა, რომ ჩემპიონი გავხდე, რომლის ხელიდან გაშვებასაც არ ვაპირებ", – ამბობს ოლივეირა.

"UFC–ში მწვერვალების დასაპყრობად მოვედი. პირველი ნაბიჯი ამისკენ უკვე გადავდგი, როცა სადებიუტო ორთაბრძოლა მოვიგე. ახლა კი დივიზიონის ერთ–ერთ საუკეთესოს დავუპირისპირდები და მაქსიმალურად ვეცდები, რომ გულშემატკივრებს ჩემი შესაძლებლობები კვლავ დავუმტკიცო და ისინი ვასიამოვნო", – ჩენდლერი.

ოლივერა ან ჩენდლერი – ხაბიბის ქამარს ერთ–ერთი ჩაიბარებს

მსუბუქ წონით დივიზიონს ახალი ჩემპიონი ეყოლება

საჩემპიონო ბრძოლა უკვე ჩაინიშნა

უახლესი ამბები