ავსტრალიელი მოკრივის, მაიკლ ზერაფას გუნდმა დაუმარცხებელ ტიმ ცზიუს ბრძოლის სანაცვლოდ ერთი მილიონი აშშ დოლარი შესთავზა.

"მომბეზრდა იმის ყურება თუ როგორ იმართლებს თავს ცზიუ და ავსტრალიაში ყველაზე მასშტაბურ ბრძოლას გაურბის.

ტიმი კარგი მებრძოლია, მაგრამ მან ცოტა ხნის წინ 36 წლის დენის ჰოგანი დაამარცხა, რომელმაც ზედიზედ მეორე ბრძოლა წააგო. ამასთან, მოსამზადებელ პერიოდში მან ტრავმა მიიღო და მზად იყო ბრძოლაზე უარიც ეთქვა.

Tim Tszyu Offered $1Million To Take Michael Zerafa Fight https://t.co/GlsR8f9N0T pic.twitter.com/mFp5dsWk7R
— BoxingScene.com (@boxingscene) April 4, 2021

ტიმის დისკრედიტაცია ნამდვილად არ მსურს, მაგრამ ის არასოდეს შეხვედრია ისეთ მოწინააღმდეგეს, როგორიც მაიკლ ზერაფაა, რომელიც ფორმის პიკშია და რინგზე მსოფლიოში საუკეთესოების წინააღმდეგ მდგარა. ის საერთოდ არ ჰგავს ცზიუს წინა ოპონენტებს, რომლებიც მსოფლიო ჩემპიონები ვერასოდეს გახდებიან", - განაცხადა ზერაფას პრომოუტერმა.

მოგახსენებთ, რომ ტიმ ცზიუს კარიერაში 18 ბრძოლა აქვს ჩატარებული, საიდანაც 14 ნოკაუტით მოიგო და ჯერჯერობით დაუმარცხებელია. 26 წლის ქვემსუბუქი წონითი კატეგორიის მოკრივე ავსტრალია-ოკეანიის ფარგლებში WBA-ს, WBO-ს, WBC-სა და IBF-ს საჩემპიონო ქამრებს ფლობს.

ხოლო, მაიკლ ზერაფას კარიერაში 32 ბრძოლა აქვს ჩატარებული, საიდანაც 28 მოიგო (17 ნოკაუტით) და ოთხჯერ დამარცხდა.

ცზიუს მილიონი დოლარი შესთავაზეს

ცზიუს ზერაფასთან ბრძოლას სთავაზობენ

ასევე იხილეთ

უახლესი ამბები