შვეიცარიული კიბერსპორტული ორგანიზაცია Brame eSports, რომლის ერთ-ერთი წევრი ირაკლი "W1sh-" პერანიძეა ტურნირ Dota 2 Champions League 2021 Season 1-ის პლეი-ოფში გავიდა.

Brame eSports-მა ტურნირზე მიწვევა პირდაპირ მიიღო, საკვალიფიკაციო ეტაპების გავლის გარეშე. ჯგუფურ ეტაპზე ქართველი კიბერსპორტსმენის კოლექტივმა EURONICS Gaming, Cascade Esports და Level UP დაამარცხა. best-of-3 ფორმატის სამივე შეხვედრა ანგარიშით 2:0 დასრულდა.

პლეი-ოფში Brame-ის პირველი მეტოქე უკრაინული კიბერსპორტული გრანდი HellRaisers იქნება. ეს მატჩი 11 აპრილს თბილისის დროით 13:00 საათზე გაიმართება. მატჩის ყურება TEBtvDOTA-ს Twitch-არხზე იქნება შესაძლებელი.

Dota 2 Champions League 2021 Season 1-მა სტარტი 5 აპრილს აიღო და 15 აპრილს დასრულდება. ტურნირის საერთო საპრიზო ფონდი 25 000 დოლარს შეადგენს.

ირაკლი "W1sh-" პერანიძე Dota 2-ის პროფესიონალი მოთამაშეა. 23 წლის პერანიძემ კიბერსპორტსმენის კარიერა 2016 წელს დაიწყო. კარიერის განმავლობაში მას თითქმის 12 400 დოლარი აქვს გამომუშავებული.

Brame eSports Dota 2 Champions League 2021 Season 1-ის პლეი-ოფში გავიდა

ასევე იხილეთ

უახლესი ამბები