ორი წონითი კატეგორიის ყოფილი მსოფლიო ჩემპიონი კრივში, 58 წლის ევანდერ ჰოლიფილდი 47 წლის კევინ მაკბრაიდის წინააღმდეგ საგამოფენო ბრძოლას გამართავს.

აღნიშნული დაპირისპირება 5 ივნისს შედგება, რომელიც პლატფორმა Triller-ის მიერ მოწყობილი კრივის შოუს ერთ-ერთი მთავარი ღონისძიება იქნება. ხოლო, საღამოს მთარავი ბრძოლა მსუბუქი წონითი კატეგორიის აბსოლუტურ ჩემპიონს, ტეოფიმო ლოპესსა (16-0, 12 ნოკაუტი) და ჯორჯ კამბოსოსს (19-0, 10 ნოკაუტი) შორის გაიმართება.

ჰოლიფილდისა და მაკბრაიდის ბრძოლა რვა რაუნდისგან იქნება შემდგარი და თითოეული პერიოდი ორწუთიანი იქნება. ამასთანავე, მოკრივეები რინგზე დამცავი ჩაფხუტების გარეშე გავლენ.

"ბევრი მძიმეწონოსანი განვიხილეთ, მაგრამ საბოლოოდ არჩევანი ჰოლიფილდზე შევაჩერეთ, რომელმაც მაიკ ტაისონი ჯერ ნოკაუტში, შემდეგ კი პენსიაზე გაუშვა", - განაცხადა Triller-ის მფლობელმა, რაიან კავანამ.

შეგახსენებთ, რომ კრივის გულშემატკივარი ჰოლიფილდისა და ტაისონის დაპირისპირებას დიდი ხნის მანძილზე ელოდა, თუმცა მხარეებმა საბოლოო შეთანხმებას ჯერჯერობით ვერ მიაღწიეს.

Evander Holyfield-Kevin McBride To Meet In June 5 Exhibition As Co-Main For Lopez-Kambosos Triller PPV https://t.co/ImbN0oSUBj pic.twitter.com/khq7ZittjC
— BoxingScene.com (@boxingscene) April 11, 2021

ჰოლიფილდს რინგზე 5 ივნისს ვიხილავთ

ჰოლიფილდის მეტოქე ჯორჯ მაკბრაიდი იქნება

ასევე იხილეთ

უახლესი ამბები