აბსოლუტური საბრძოლო ჩემპიონატის ოფიციალური ვებ-გვერდის ცნობით, 27 წლის იტალიელმა მებრძოლმა, მარვინ ვეტორმა კევინ ჰოლანდის დამარცხების შემდეგ, საშუალო წონითი დივიზიონის რეიტინგში წინ წაიწია და ამჟამად ის მესამე ნომერი გახლავთ. მასზე წინ პაულო კოსტა, რობერტ ვიტეკერი და ჩემპიონი ისრაელ ადესანია არიან.

ვეტორი ბოლოს 2018 წელს ჩემპიონთან დამარცხდა. მას შემდეგ კი ზედიზედ ხუთი ბრძოლის მოგება შეძლო. მან სეზარ ფერეირას, ენდრიუ სანჩესს, კარლ რობერსონს, ჯეკ ჰერმანსონს და კევინ ჰოლანდს აჯობა. უკანასკნელად მოგებული ბრძოლის შემდეგ კი განაცხადა, რომ ადესანიასთან განმეორეიბითი ბრძოლის გამართვა სურს. მისი თქმით, ამისთვის მზადაა და საჩემპიონო ქამრისთვის ბრძოლასაც იმსახურებს.

მარვინი ჯერ კიდევ ჰერმანსონის დამარცხების შემდეგ ამბობდა, რომ საუკეთესო იყო და ვერავინ შეაჩერებდა. ჯერჯერობით ისრაელ ადესანიას იტალიელთან შესაძლო ბრძოლაზე კომენტარი არ გაუკეთებია. როგორც იცით, საშუალო წონაში ქამრის მფლობელმა ახალმა ზელანდიელმა, ბოლოს იან ბლაჰოვიჩთან იბრძოლა, სადაც ქვემძიმე დივიზიონის ქამრის მოპოვების შანსი ჰქონდა, თუმცა კარიერაში პირველი მარცხი იგემა.

აქვე მოგახსენებთ, რომ მარვინ ვეტორის MMA-ში 22 გამართული ორთაბრძოლიდან, 17 ბრძოლა მოიგო და ოთხში დამარცხდა. 2017 წელს კი ომარი ახმედოვთან ფრე დააფიქსირა.

მარვინ ვეტორი რეიტინგში დაწინაურდა

იტალიელმა რეიტინგში წინ წაიწია

ის ახლა მესამე ნომერია

ასევე იხილეთ

უახლესი ამბები