ქართველი ძიუდოისტი, ეთერ ლიპარტელიანი პორტუგალიის დედაქალაქ ლისაბონში მიმდინარე ევროპის 2021 წლის ჩემპიონატში იღებდა მონაწილეობას.

მან უკრაინელ მარია სიკორასა და გერმანელ იანა ციგლერს იპონებით აჯობა, რასაც მეოთხედფინალში ასევე იპონით ფრანგ სარა ლეონ სისკესთან მარცხი მოჰყვა.

ლიპარტელიანმა მედლისთვის გაბრძოლების შანსი შეინარჩუნა და რეპეშაჟში ტიმნა ნელსონ ლევის შეხვდა, სადაც ვაზარით ჩამორჩენა იპონით აღმოფხვრა და ბრინჯაოსთვის იჭიდავა.

ფინალში ლიპარტელიანი კოსოვოელ ნორა ჯაკოვას შეხვდა. საგულისხმოა, რომ ჯუდოკები აქამდე ერთმანეთს ორჯერ შეხვდნენ და ორივეჯერ გამარჯვება კოსოვოელს დარჩა.

ჯაკოვას მესამე ჯახშიც არ გასჭირვებია გამარჯვების მოპოვება. მან ქართველი მეტოქე დააიპონა და ბრინჯაოს დაეუფლა.

ნაადრევად გამოეთიშნენ ტურნირს სხვა ქართველი ქალი ძიუდოისტები. მარიამ ჯანაშვილმა პორტუგალიელ იოანა დიოგის იპონით აჯობა, შვეიცარიელ ფაბიენ კოხერთან კი ვაზარით დამარცხდა. რაც შეეხება ტატიანა ლევიცკა-შუკვანს, მან იპონით პორტუგალიელ იოანა რამოსთან წააგო.

ვაჟთა შორის კი, თემურ ნოზაძემ ვერ იყოჩაღა და სხვების მსგავსად უმედლოდ იასპარეზა.

ლიპარტელიანმა ბრინჯაოს მედალი დათმო

ლიპარტელიანმა ბრინჯაოსთვის იჭიდავა

უახლესი ამბები