მძიმე წონაში მსოფლიოს ყოფილი აბსოლუტური ჩემპიონი, მაიკ ტაისონი კრივში, ასევე ყოფილ აბსოლუტურ ჩემპიონ, ბრიტანელ ლენოქს ლუისთან მატჩ-რევანშს დათანხმდა.

TMZ Sports-თან საუბარში 54 წლის „რკინის მაიკი“ აღნიშნავს, რომ 55 წლის ლუისთან (41 მოგება, აქედან 32 ნოკაუტით, 2 წაგება და 1 ფრე) შეხვედრა სექტემბერში შედგება.

ლუისი vs ტაისონი პირველად 2002 წლის ივნისში გაიმართა. მაშინ ბრიტანელმა მერვე რაუნდში ნოკაუტით გაიმარჯვა და კრივის მსოფლიო საბჭოს (WBC) და კრივის საერთაშორისო ფედერაციის (IBF) საჩემპიონო ქამრები დაიცვა.

შარშან დეკემბერში მაიკ ტაისონი (50 მოგება, აქედან 44 ნოკაუტით და 6 წაგება) რინგს როი ჯონს-უმცროსთან საგამოფენო ჩხუბით დაუბრუნდა. შეხვედრა ფრედ დასრულდა.

ტაისონი ლუისთან რევანშს დათანხმდა

ტაისონი ლუისთან ჩხუბს ადასტურებს

უახლესი ამბები