მერსედესის ფინელმა მესაჭე ვალტერი ბოტასმა შესაძლოა, სეზონის დასრულებამდე გუნდში ადგილი დაკარგოს.

Daily Mail-ის ცნობით, „ვერცხლისფერი ისრების“ ხელმძღვანელობა ბოტასის შესაძლო შემცვლელად, უილიამსის ბრიტანელ მრბოლს, ჯორჯ რასელს განიხილავს.

ბოტასი მერსედესში მეხუთე სეზონს ატარებს, მაგრამ მეწყვილე ლუის ჰემილტონთან სერიოზულ კონკურენციას ვერ ახერხებს.

ბრიტანული გამოცემა შესაბამის ინფორმაციას გერმანული საჯინიბოს ერთ-ერთ ინჟინერზე დაყრდნობით ავრცელებს.

„ვალტერის გამო საფიქრალი გაგვიჩნდა. ის არ შეესაბამება გუნდის დონეს,“ - აცხადებს წყარო.

ფინელი სახელოვანი თანაგუნდელის შედეგებისგან შორს არის. ჰემილტონი შვიდგზის ჩემპიონია, ფინელს კი მერსედესის მოწინავე ბოლიდით ხუთი სეზონის განმავლობაში, მრბოლთა საჩემპიონო დავაში მესამე (2017), მეხუთე (2018), მეორე (2019) და მეორე (2020) ადგილები აქვს დაკავებული. მოიგო ცხრა დიდი პრიზი, მაშინ როდესაც ჰემილტონის ანგარიშზე ხუთი სეზონის განმავლობაში 44 დიდი პრიზია. ბოტასმა მიმდინარე სეზონში ორჯერ მესამე ადგილი დაიკავა, ჰეიმლტონმა კი ორიჯერ პირველი და ერთხელ მეორე.

მერსედესის ამგვარი დამოკიდებულება, თუ კი ეს სიმართლეა, მხოლოდ ის თუ შეიძლება იყოს, რომ ბოტასს ისეთივე ბოლიდი ჰყავს, როგორიც ჰემილტონს, მაგრამ შედეგებით მნიშვნელოვნად ჩამორჩება.

მერსედესი შესაძლოა, ბოტასს ნაადრევად დაემშვიდობოს

ვალტერის გამო საფიქრალი გაგვიჩნდა. ის არ შეესაბამება გუნდის დონეს

უახლესი ამბები