ყაზანში სტარტი აიღო ძიუდოს საერთაშორისო გრან სლემმა, სადაც ათი ქართველი იღებს მონაწილეობას. დღეს, ტატამზე ვაჟებს შორის -60 და -66 კილოგრამი წონითი კატეგორიის ძიუდოისტები გამოვიდნენ. ხოლო, -52 კგ-ში ტეტიანა ლევიცკა-შუკვანი პირველივე შეხვედრაში დამარცხდა.

-60 კგ. წონაში ბრზყინვალედ იასპარეზა ლუხუმ ჩხვიმიანმა, რომელმაც ყველა ეტაპი წარმატებით გაიარა და ფინალურ ბლოკში გავიდა.

მსოფლიოსა და ევროპის ჩემპიონმა D ჯგუფში გამოსვლა ბერნადინ ცალა ცალასთან გამოსვლით დაიწყო. ქართველმა ძიუდოისტმა კამერუნელი მეტოქე ვაზარით დაამარცხა და შემდეგ რაუნდში გავიდა, სადაც ლუხუმმა პორტუგალიელ როდრიგო კოშტა ლოპეშთან ორ წუთში იპონით იმარჯვა.

მეოთხედფინალში ჩხვიმიანმა ჩეხი დავიდ პულკრაბეკის ბარიერიც წარმატებით დაძლია და ნახევარფინალში რამაზან აბდულაევს შეხვდა. რუს სპორტსმენს ქართველმა ძიუდოისტმა დამატებით დროში ვაზარით სძლია და ფინალურ ბლოკში ოქროს მედლისთვის იბრძოლებს, სადაც მისი მეტოქე რუსეთის სახელით მოასპარეზე რობერტ მშვიდობაძე იქნება.

ლუხუმ ჩხვიმიანი ოქროს მედლისთვის იბრძოლებს

ლუხუმ ჩხვიმიანი ფინალურ ბლოკშია

უახლესი ამბები