დღეს, 6 მაისს ბულგარეთის დედაქალაქში სტარტი აიღო ზაფხულის ოლიმპიური თამაშების ბოლო სალიცენზიო შეჯიბრმა თავისუფალ ჭიდაობაში. პირველ დღეს სოფიაში ორი ქართველი ფალავანი გამოვიდა.

სამწუხაროდ, -57 კგ. წონით კატეგორიაში საკვალიფიკაციო ეტაპი ვერ დაძლია ოთარ გოგავამ, რომელიც აზერბაიჯანის სახელით მოასპარეზე გიორგი ედიშერაშვილთან 0:4 დამარცხდა.

-65 კგ. წონით კატეგორიაში კი საქართველოს ღირსებას ბექა ლომთაძე იცავდა. მოგახსენებთ, რომ ბექა აქამდე -61 კგ-ში გამოდიოდა, თუმცა ამ წონაში მან ვლადიმერ ხინჩეგაშვილი ჩაანაცვლა, რომელსაც რამდენიმე დღის წინ კორონავირუსი დაუდასტურდა, რის გამოც ოლიმპიური ჩომპიონი სალიცენზიო შეჯიბრს გამოაკლდა და ტოკიოში ვეღარ გაემგზავრება.

საკვალიფიკაციო ეტაპზე ლომთაძემ კანადელი დილონ ემანუელ უილიამსი 6:4 დაამარცხა. ხოლო, მერვედფინალში მან რუმინელ ნიკოლაი ოხლოპკოვს 4:1 სძლია.

სამწუხაროდ, 1/4-ფინალში ქართველი ფალავანი პოლონეთის სახელით მოასპარეზე მაგომედმურად გაჯიევთან 1:2 დამარცხდა და ლიცენზიისთვის ბრძოლას გამოეთიშა.

შეგახსენებთ, რომ ტოკიო 2020-ის ლიცენზიას თავისუფალი სტილით მოჭიდავეები ფინალში გასვლით იღებენ.

ლომთაძე ოლიმპიადის ლიცენზიისთვის ბრძოლას გამოეთიშა

ლომთაძე მეოთხედფინალში დამარცხდა

ასევე იხილეთ

უახლესი ამბები