მიუჯელოს ტრასაზე Moto3-ის კლასში იტალიის დიდი პრიზის მეორე საკვალიფიკაციო რბოლისას ტრაგედია დატრიალდა. გერმანული PrustelGP-ის 19 წლის შვეიცარიელი მოტომრბოლი, ჯეისონ დიუპასკი (KTM) მოტოციკლიდან ჩამოვარდა და მის უკან მომავალი ორი მოტოციკლის ბორბლებ ქვეშ მოხვდა.

დაშავებული უმალ შვეულმფრენით გადაიყვანეს ფლორენციის ერთ-ერთ ჰოსპიტალში სადაც მიღებული ტრავმების შედეგად მალევე გარდაიცვალა. ავარიის ორი მონაწილე იაპონელ აიუმი სასაკის (KTM) და ესპანელ ჯერემი ალკობას (ჰონდა) მცირე დაჟეჟილობები აქვთ.

PrustelGP, რომლის სახელითაც გამოდიოდა დიუპასკი, ჩემპიონატში მეორე სეზონს ატარებდა. ხუთი ეტაპის შემდეგ შვეიცარიელი 27 ქულით მე-12 ადგილზე იყო.

მიუჯელოში დატრიალებული ტრაგედია მოტორბოლაშ პირველი შემთხვევაა 2016 წლის შემდეგ. მაშინ Moto2-ის კლასში ვარჯიშისას დაიღუპა ესპანელი ლუის სალომი.

VIDEO მიუჯელოს ტრასაზე 19 წლის მრბოლი დაიღუპა

ასევე იხილეთ

უახლესი ამბები