უნგრეთში მიმდინარე მსოფლიო ჩემპიონატის მესამე საშეჯიბრო დღეს, საქართველოს ეროვნული ნაკრების სახელით, ტატამზე სამი სპორტსმენი გამოვიდა.ეთერ ლიპარტელიანი და ნუგზარ ტატალაშვილი, ტურნირს ადრეული ეტაპიდან გამოეთიშნენ. ლაშა შავდათუაშვილმა კი ფინალამდე მიაღწია.

მსოფლიო ჩემპიონატის პირველ ეტაპზე ლაშამ პერუელ ალფონსო ვონგს სამი შიდო მიაღებინა. შემდეგ იპონით დაამარცხა ბრაზილიელი ედუარდო ბარბოსა და მერვედფინალში გავიდა, სადაც ებრაელ ელბაზს ვაზარ-იპონით სძლია და მეოთხედფინალში მილოშ უნგვარს დაუხვდა. საკმაოდ დაძაბული ორთაბრძოლის შემდეგ, გამარჯვება ქართველ ძიუდოისტს დარჩა. ის ნახევარფინალში შიდოებით გავიდა, სადაც თურქ ბილალ ჩილოღლუს დამატებით დროში ვაზარით სძლია და ფინალის საგზური მოიპოვა.

რაც შეეხება -73 კილოგრამ წონით კატეგორიაში გამართულ ფინალურ შეხვედრას, ლაშამ შვედი ძიუდოისტი, ტომი მაციასი დაამარცხა.

გამარჯვებულის ვინაობა დამატებითმა დრომ გამოავლინა, სადაც შვედმა მესამე შიდო მიიღო და შესაბამისად, ფინალიც დათმო.

აღსანიშნავია, რომ ლაშა შავდათუაშვილი გახდა პირველი ქართველი, ვინც სამ დიდ ტურნირზე, მსოფლიო ჩემპიონატზე, ოლიმპიადასა და ევროპის ჩემპიონატზე ოქროს მედალს დაეუფლა.

ლაშა შავდათუაშვილი მსოფლიო ჩემპიონია

ასევე იხილეთ

უახლესი ამბები