ბუდაპეშტში ძიუდოს მსოფლიო ჩემპიონატის მეოთხე საშეჯიბრო დღე მიმდინარეობს. როგორც იცით, საქართველოს ნაკრები გათამაშებაში მეორე დღეს ჩაერთო და პირველმა სამმა ძიუდოისტმა, თავიანთი შეხვედრები პირველსავე გამოსვლის დროს დათმეს.

გუშინ საქართველოს სახელით ასევე სამმა სპორტსმენმა იასპარეზა, რომელთაგანაც წარმატებას მხოლოდ ლაშა შავდათუაშვილმა მიაღწია. მან ოქროს მედალი მოიპოვა და მსოფლიოს ჩემპიონი გახდა. ის ქართული ძიუდოს ისტორიაში პირველია, რომელმაც ევროპის, მსოფლიოსა და ოლიმპიადის მოგება შეძლო!

დღეს კი ჩვენი ნაკრებიდან საასპარეზოდ ტატამზე ორი ქართველი ვიხილეთ. ტატო გრიგალაშვილი და ლუკა მაისურაძე. ორივე მათგანი 81კგ–ში ასპარეზობს.

მაისურაძე მეოთხე წრეში უზბეკ ბოლტაბოევთან დამარცხდა. მეტოქემ ის კონტრილეთზე გამოიჭირა. რაც შეეხება ტატო გრიგალაშვილს, მან თავის პირველ შეხვედრაში კორეელ ლი მონ ჯის უშანსოდ, ავასატე-იპონით მოუგო. შემდეგ შვედ პაჩეკს ვაზარით აჯობა. მესამე შეხვედრა იპონით ბერძენ ალექსიოს ცანაციდისთან მოიგო. მეოთხედფინალში კი მისი მოწინააღმდეგე სამი ჩოუჩი იყო, რომელთანაც ქართველმა რევანში აიღო. ტატომ წუთსა და 30 წამში იპონით იმარჯვა და ნახევარფინალში გააღწია, სადაც ნიდერლანდელ ფრანკ დე ვიტს შეერკინება.

ტატო გრიგალაშვილი მსოფლიო ჩემპიონატის ნახევარფინალშია

მსოფლიოს ჩემპიონატი – მეოთხე საშეჯიბრო დღე

გრიგალაშვილი წინ მიიწევს

უახლესი ამბები