დღეს ბუდაპეშტში მიმდინარე მსოფლიო ჩემპიონატზე, ინდივიდუალური ასპარეზობის დასკვნითი, მეშვიდე დღე გახლდათ. ტატამზე საქართველოს ეროვნული ნაკრების ორი წარმომადგენელი, გელა ზაალიშვილი (+100კგ) და სოფიო სომხიშვილი (+78კგ) გამოვიდნენ.

სოფიოს პირველი მეტოქე კორეელი ჰაიუნ კიმი გახლდათ, რომელთანაც ის გაფრთხილებებით დამარცხდა და სამწუხაროდ, ასპარეზობას გამოეთიშა. გელამ კი პირველი დაპირისპირება სენეგალელი მბაგნიც ნდიანეს წინააღმდეგ გამართა. შეხვედრა საკმაოდ დაძაბული გამოდგა. ქართველმა ძიუდოისტმა ვაზარით ჩამორჩენა ავასატე-იპონით აღმოფხვრა და გაიმარჯვა.

ზაალიშვილმა მეორე შეხვედრა ავსტრიელ დანიელ ალისტოფერთან იპონით მოიგო და მეოთხედფინალში გავიდა, სადაც როი მეიერსი კონტრილეთზე გამოიჭირა და ნახევარფინალის საგზური მოიპოვა. მომდევნო ეტაპზე გელას მორიგი მეტოქე ტამერლან ბაშაევი გახლდათ, რომელმაც ქართველ სპორტსმენს ავასატე-იპონით მოუგო.

ჩვენებურს ბრინჯაოს მოპოვების შანსი ჰქონდა. მისი მოწინააღმდეგე უკრაინელი იაკივ ხამო იყო. ამ უკანასკნელმა იპონით იმარჯვა.

ამრიგად, სადებიუტო მსოფლიო ჩემპიონატზე გამოსვლა გელა ზაალიშვილმა ბრინჯაოს მედლით ვერ დაასრულა!

VIDEO გელა ზაალიშვილმა ბრინჯაოსთვის ბრძოლა წააგო

ასევე იხილეთ

უახლესი ამბები