UFC 263–ზე, ორ სატიტულო ბრძოლასთან ერთად, ლეონ ედვარდსისა და ნეიტ დიაზის ძალიან საინტერესო ორთაბრძოლა ვიხილეთ. დიაზმა თავის სტილს არ უღალატა და სანახაობრივი შოუ შემოგვთავაზა, რომლის გამარჯვებულიც საბოლოოდ ლეონი გახდა. ბრიტანელს კამარუ უსმანთან შეხვედრის სურვილი და აქვს და მიიჩნევს, რომ ახლა უკვე სატიტულო ორთაბრძოლაში მონაწილეობას იმსახურებს.

როგორც იცით, უსმანმა ედვარდსი 2015 წელს დაამარცხა. მას შემდეგ კი ბრიტანელმა ათი ორთაბრძოლა გამართა. ცხრა მოიგო, ხოლო ერთს გამარჯვებული არ ჰყოლია, რადგან ბელალ მუჰამედთან შეხვედრის დროს, ამ უკანასკნელს თვალში ედვარდსის თითი მოხვდა და მსაჯებმა ბრძოლა შეაჩერეს.

შესაბამისად, ინგლისელ მებრძოლს ცხრამატჩიანი მოგებათა სერია აქვს. ის ქვესაშუალო წონითი დივიზიონის რეიტინგში მესამე ადგილს იკავებს და ახლა სურს, რომ ჩემპიონს შეხვდეს. მის სიტყვებს mmajunkie ციტირებს.

ვინ, თუ არა მე? ვგრძნობ, რომ შემდეგი მე უნდა ვიყო. მე უკვე ზედიზედ ათი ბრძოლა გავმართე და არცერთში არ დავმარცხებულვარ. სხვა არ აკეთებს იმას, რასაც მე ვაკეთებ. შევთავაზე ბრძოლა ხამზატს, ბელალს, დიაზს, მაგრამ ეს ბიჭები ტოპ 10–ის წევრები არ არიან.

თუ მე არ ვიმსახურებ ჩემპიონთან შეხვედრას, მაშინ ვინ არის ამის ღირსი?

შეგახსენებთ, რომ ქამრის მფლობელმა კამარუ უსმანმა, 2021 წელს უკვე ორჯერ იბრძოლა. ნიგერიელმა ჯერ გილბერტ ბერნსი დაამარცხა, ხოლო შემდეგ ხორხე მასვიდალი დაანოკაუტა.

"ვინ, თუ არა მე?" – ლეონ ედვარდს სატიტულო ბრძოლა სურს

ედვარდსმა დიაზი დაამარცხა

მას უსმანთან შეხვედრა სურს

უახლესი ამბები