საქართველოს ბერძნულ-რომაული სტილით მოჭიდავეთა ნაკრებმა, დორტმუნდში ახალგაზრდულ ევროპის ჩემპიონატზე წარმატებით იასპარეზა. რევაზ ლაშხის შეგირდებმა ჯამში ექვსი მედალი მოიპოვეს. სამი ოქრო, ორი ვერცხლი, ერთი ბრინჯაო!

ევროპის ჩემპიონები გახდნენ: ფრიდონ აბულაძე (60კგ), დიეგო ჩხიკვაძე (63კგ) და გიორგი ჩხიკვაძე (72კგ). ვერცხლის მედლებს კი გიორგი თოხაძე (55კგ) და გიორგი შპეტიშვილი (77კგ) დაეუფლნენ.

ბრინჯაოს მედლის მფლობელი კი ლუკა ოჩიგავა (67კგ) გახდა. საქართველოს მედლის მოპოვების შანსი კიდევ ჰქონდა. ლაშა ტვილდიანს წარმატებამდე ერთი ნაბიჯი დააკლდა.

საერთო გუნდურ ჩათვლაში კი საქართველოს ეროვნულმა ნაკრებმა პირველი ადგილი დაიკავა. ჩვენმა გუნდმა, დიდი უპირატესობით ჩამოიშორა რუსეთისა და თურქეთის გუნდები. გუნდური პირველი ადგილისათვის განკუთვნილი თასი კი ნაკრების მთავარმა მწვრთნელმა - რევაზ ლაშხმა ჩაიბარა!

გუნდური ჩემპიონობა გერმანიიდან!

სამი ოქრო, ორი ვერცხლი, ერთი ბრინჯაო

ასევე იხილეთ

უახლესი ამბები