მოგეხსენებათ, რომ დაუმარცხებელმა ქართველმა მებრძოლმა, ილია თოფურიამ UFC 264–ზე ყველაზე პრესტიჟულ ორგანიზაციაში თავისი მესამე ბრძოლა ამერიკელი მეტოქის, რაიან ჰოლის წინააღმდეგ ჩაატარა, რომელიც დამაჯერებლად დაამარცხა.

შესაბამისად, "ელ მატადორისთვის" UFC–ში ეს ზედიზედ მესამე, პროფესიონალურ კარიერაში კი რიგით მე–11 გამარჯვება გახლდათ. UFC–ს ოფიციალურ ვებ–გვერდზე, რეიტინგი განახლდა, საიდანაც ირკვევა, რომ თოფურია ქვემსუბუქი წონითი დივიზიონის მე–15 ნომერი გახდა!

საქართველოს ტოპ 15–ში უკვე სამი მებრძოლი ჰყავს. ამავე დივიზიონის მეათე ნომერი გიგა ჭიკაძეა, ხოლო სუპერმსუბუქი წონითი კატეგორიის რეიტინგში, მეათე პოზიციაზე მერაბ დვალიშვილი იმყოფება.

აქვე მოგახსენებთ, რომ ჭიკაძე თავის მომავალ ორთაბრძოლას ედსონ ბარბოსას წინააღმდეგ 29 აგვისტოს ჩაატარებს. ამავე თვეში ოქტაგონზე ლიანა ჯოჯუასაც ვიხილავთ, რომელიც 22–ში კორტნი ქეისის დამარცხებას შეეცდება, ხოლო მერაბ დვალიშვილი 24 სექტემბერს მარლონ მორაესს დაუპირისპირდება.

ილია თოფურიამ რაიან ჰოლის დამარცხების შემდეგ, კელვინ კატარი გამოიწვია, რომელიც რეიტინგის მეხუთე ნომერია, თუმცა მისგან პასუხი ჯერ არ მიუღია. ახალგაზრდა ქართველმა სპორტსმენმა, ამერიკელი მეტოქის დამარცხებით, $44,000–ის გამომუშავება შეძლო.

ილია თოფურია ტოპ 15–ის წევრია!

ილია რეიტინგში წინ მიიწევს

მორიგი ქართველი ტოპ 15–ში

უახლესი ამბები