ისლამ მახაჩევი UFC–ს მსუბუქი წონითი დივიზიონის მეცხრე ნომერია. მას უახლოესი ბრძოლა UFC VEGAS 31–ზე 18 ივლისს ელის. მისი მეტოქე ტიაგო მოიზე იქნება, რომელიც რეიტინგში მე–14 გახლავთ.

mmafighting–ი დაუმარცხებელი ჩემპიონის, ხაბიბ ნურმაგომედოვის სიტყვებს ციტირებს. დაღესტანელი ისლამს აქებს და მის შესახებ საუბრობს.

მახსოვს, ერთხელ მამაჩემმა მითხრა, რომ როცა მე კარიერას დავასრულებდი, მახაჩევის დომინირების პერიოდი დაიწყებოდა. ჩვენს შორის ასაკობრივი სხვაობა მხოლოდ სამი წელია. მე ისლამს ვუთხარი, რომ მან ცოტა არ იყოს დააგვიანა. ის თავის წონით დივიზიონში მხოლოდ მეათე ან მეცხრე ადგილზე ხვდება.

ამ ასაკში, ის ტოპ 3–ში მაინც უნდა იყოს, თუმცა ამ შაბათს მან უნდა დაამტკიცოს თუ რა შეუძლია და მსოფლიოს ანახოს ვინ არის რეალურად. არა მხოლოდ ხაბიბის სპარინგ პარტნიორი და ძმა, არამედ ის უნდა იყოს ისლამ მახაჩევი – მსოფლიოში საუკეთესო მებრძოლი. მას შვიდბრძოლიანი მოგებათა სერია აქვს და ახლო მომავალში, ტიტულისთვის უნდა იჩხუბოს. არა იმიტომ, რომ ჩემი მეგობარია, არამედ იმიტომ, რომ ამას დაიმსახურებს და ოქტაგონზე ამ ყველაფერს შაბათს დაამტკიცებს.

ის სექტემბერში 30 წლის გახდება. ეს საუკეთესო დროა, რომ მსოფლიოს ვაჩვენოთ თუ ვინ არის ნომერ პირველი. როცა მე 30 წლის ვიყავი, UFC–ს მსუბუქი წონითი დივიზიონის ჩემპიონი გავხდი. როდესაც მებრძოლი 30 წლისაა, მისი მენტალური და ფიზიკური ზრდა, ერთ დონეზე მიმდინარეობს. 31, 32 და 33 წელი სრულყოფილების პერიოდია. მომწონს მისი ბრძოლის სტილი. ნამდვილად ვფიქრობ, რომ მას შეუძლია დასტინ პორიეს და ჩარლზ ოლივეირას დაფინიშება.

ჩვენ უბრალოდ დრო გვჭირდება. ვფიქრობ, რომ მომავალ წელს, ისლამი ტიტულისთვის ბრძოლას შეძლებს. მას შეუძლია იყოს ჩემპიონი და დაიცვას ტიტული მინიმუმ ორი ან სამი წლის განმავლობაში.

ხაბიბი: "მახაჩევს პორიეს და ოლივეირას დაფინიშება შეუძლია"

ნურმაგომედოვი მახაჩევს აქებს

უახლესი ამბები