შაბათს UFC FIGHT NIGHT-ზე თი ჯეი დილაშოუს დაბრუნებას ვიხილავთ, რომელიც კორი სანდჰაგენის წინაღმდეგ იბრძოლებს. მოგეხსენებათ, აღნიშნულ სპორტსმენებთან დაპირისპირების სურვილს, წარსულში UFC-ს ქართველი მებრძოლი, მერაბ დვალიშვილიც გამოთქვამდა, რომელიც ამჟამად თავისი წონითი დივიზიონის რეიტინგში, მეათე ადგილზე იმყოფება.

დილაშოუ ოქტაგონზე ბოლოს 2019 წლის იანვარში ვიხილეთ, სადაც ჰენრი სეხუდოსთან მარცხი განიცადა. MMA-ში მას 20 გამართული ბრძოლიდან, 16 მოგებული აქვს. სანდჰაგენმა კი წელს ერთხელ იბრძოლა და ფრენკი ედგარს აჯობა. ის ყველაზე პრესტიჟულ ორგანიზაციაში 2018 წლიდან ასპარეზობს. პროფესიონალურ დონეზე კი სულ 16 გამოსვლა ჰქონდა და მხოლოდ ორჯერ დამარცხდა.

თი ჯეის დაბრუნებას გულშემატკივრები მოუთმენლად ელოდნენ. 35 წლის ამერიკელს UFC VEGAS 32-ზე საქმეში ვიხილავთ.

კორის თქმით, ის თი ჯეისთან საბრძოლველად მზად არის და საჭიროების შემთხვევაში, შეუძლია მას დროზე ადრეც კი შეებრძოლოს.

თუ მას უნდა, რომ ჰქონდეს მტრული განწყობა, მაშინ შეგვიძლია სიტუაცია ასეთი სცენარით წარვმართოთ. თუ მას ეს არ სურს, ამისთვისაც მზად ვარ. მე ორთაბრძოლა და ოქტაგონზე გამოსვლა მჭირდება. მასთან შესახვედრად კარგად მოვემზადე. ვფიქრობ, ეს საუკეთესო მომენტია ამ შოუს მოსაწყობად.

შეგახსენებთ, რომ კორი სანდჰაგენი ამ მომენტისთვის სუპერმსუბუქი წონითი დივიზიონის რეიტინგში, მეორე ადგილს იკავებს. ის მხოლოდ ყოფილ ჩემპიონ პიოტრ იანს და ქამრის ამჟამიდნელ მფლობელ, ალჯამეინ სტერლინგს ჩამორჩება.

დილაშოუ VS სანდჰაგენი - ბრძოლა შაბათს შედგება

ორთაბრძოლა ოფიციალურად ჩაინიშნა

ასევე იხილეთ

უახლესი ამბები