MMA-ს ლეგენდარული მებრძოლი, ანდერსონ სილვა, რომელსაც UFC-მ კონტრაქტი გაუწყვიტა, ამჟამად ძალებს კრივში ცდის. როგორც იცით, მან კრივის წესებით პირველად 1998 წელს იბრძოლა. შემდეგ კი რინგზე 2005 წელს ავიდა. 2021 წელს კი MMA-დან წამოსვლის შემდეგ, კვლავ კრივს დაუბრუნდა და ხულიო ცეზარ ჩავეს ჯუნიორი დაამარცხა.

ლოგან პოლი კი მიმდინარე წლის ივნისში, ლეგენდარულ და დაუმარცხებელ ფლოიდ მეივეზერს დაუპირისპირდა და ფრე დააფიქსირა, რაც მისთვის დიდი მიღწევაა. ამის შემდეგ გავრცელდა ინფორმაცია, რომ 46 წლის ბრაზილიელ ანდერსონ სილვას, პოლთან შეხვედრის სურვილი ჰქონდა და როგორც dexerto იტყობინება, მათი ორთაბრძოლა სავარაუდოდ 19 სექტემბერს შედგება.

შეგახსენებთ, რომ ლოგანის ძმა - ჯეიკ პოლიც კრივითაა დაინტერესებული. ბოლოს მან Bellator-ის ყოფილი ჩემპიონი, ბენ ასკრენი დაანოკაუტა და აგვისტოში UFC-ს ყოფილ მებრძოლ, ტაირონ ვუდლს დაუპირისპირდება, რომელთანაც ფავორიტადაც სახელდება.

აქვე მოგახსენებთ, რომ "ობობას" MMA-ში 46 ორთაბრძოლა აქვს გამართული, საიდანაც 34 შემთხვევაში გამარჯვებული თავად გახდა. კონტრაქტის მიხედვით, მას ყველაზე პრესტიჟულ ორგანიზაცია UFC-ში კიდევ უნდა ებრძოლა, თუმცა მას ზედიზედ სამი მარცხი უფიქსირდებოდა. ბოლოს ურაია ჰოლთან განცდილი მარცხის შემდეგ კი დანა უაითმა გადაწყვიტა, რომ მასთან თანამშრომლობის შეწყვეტა, სპორტსმენისთვის უმჯობესი იქნებოდა.

ანდერსონ სილვა ლოგან პოლის წინააღმდეგ იბრძოლებს

ლეგენდა დამწყებ მოკრივეს შეხვდება

ასევე იხილეთ

უახლესი ამბები