29 წლის დაღესტანელი მებრძოლი, ისლამ მახაჩევი ბოლო ორთაბრძოლაში მოპოვებული გამარჯვების შემდეგ, UFC–ს მსუბუქი წონითი დივიზიონის რეიტინგში ოთხი პოზიციით დაწინაურდა და ამ მომენტისთვის ტოპ 5–ის წევრია.

მახაჩევმა ტიაგო მოიზე მეოთხე რაუნდში დაამარცხა და განაცხადა, რომ მზადაა მაიკლ ჩენდლერს, ტონი ფერგიუსონს ან რაფაელ დოს ანიოსს დაუპირისპირდეს. მისი თქმით თუ ორგანიზაცია არჩევანის საშუალებას მისცემს, სურს პირველ რიგში ტონისთან იბრძოლოს, რათა ხაბიბ ნურმაგომედოვის დაწყებული საქმე დაასრულოს.

თავის მხრივ კი დაუმარცხებელი ხაბიბი ამბობს, რომ ახლა მათ გეგმებში წლის ბოლოს მეორე ბრძოლის გამართვა და გამარჯვება შედის. ნურმაგომედოვს სურს, რომ 2021 წელი მახაჩევმა 2–0–ზე სტატისტიკით დაასრულოს, წლის მებრძოლად დასახელდეს და მომავალ წელს სატიტულო ბრძოლაში მონაწილეობაც შეძლოს.

აქვე მოგახსენებთ, რომ UFC–ს ოფიციალურ ვებ–გვერდზე განახლებული რეიტინგის მიხედვით, ორი წონითი კატეგორიის ყოფილი ჩემპიონი, კონორ მაკგრეგორი, რომელიც დასტინ პორიესთან ტრილოგიაში დამარცხდა მეცხრე პოზიციაზე ჩამოქვეითდა.

ცნობისთვის, მახაჩევს ზედიზედ რვა ბრძოლა მოგებული აქვს, თუმცა მათგან ტოპ 15–ის წარმომადგენელი მხოლოდ ტიაგო მოიზე გახლდათ.

მახაჩევი ტოპ 5–ის წევრი გახდა

ისლამ მახაჩევი რეიტინგში დაწინაურდა

ასევე იხილეთ

უახლესი ამბები