Bellator–ის ყოფილმა ჩემპიონმა, მაიკლ ჩენდლერმა, რომელიც ამჟამად ყველაზე პრესტიჟულ ორგანიზაცია UFC–ში ასპარეზობს, სურვილი გამოთქვა, რომ მომდევნო ორთაბრძოლა ჯასტინ გეიჯის წინააღმდეგ ჩაატაროს.

როგორც იცით, ჩენდლერს UFC–ში სადებიუტო ბრძოლა დენ ჰუკერთან ჰქონდა, რომელიც დამაჯერებლად დაამარცხა, ხოლო შემდეგ მსუბუქი წონითი დივიზიონის ვაკანტური ქამრისთვის ბრაზილიელ ჩარლზ ოლივეირას დაუპირისპირდა, თუმცა მასთან ვერაფერი გააწყო.

ჯასტინს კი გასული წლის ოქტომბრის შემდეგ არ უბრძოლია. ბოლოს ის ოქტაგონზე ხაბიბ ნურმაგომედოვთან შეხვედრის დროს ავიდა, თუმცა დამარცხდა. გეიჯი მიიჩნევდა, რომ ის ამის შემდეგ ქამრისთვის ორთაბრძოლაში მონაწილეობის მიღებას კვლავ იმსახურებდა, თუმცა დიდი ალბათობით, 2021 წლის მიწურულს ჩარლზ ოლივეირა დასტინ პორიეს შეებრძოლება.

ჯერჯერობით უცნობია, სურს თუ არა ჯასტინ გეიჯს მაიკლ ჩენდლერთან შეხვედრა. მოგახსენებთ, რომ ამ მომენტისთვის ჯასტინი რეიტინგის მეორე ნომერია, ხოლო მაიკლი მეოთხე. რამდენიმე დღის წინ, ისლამ მახაჩევმა, რომელიც უკვე ტოპ ხუთის წევრია, ჩენდლერი მისთვის ერთ–ერთ სასურველ მეტოქედ დაასახელა.

ჯასტინ გეიჯი ბრძოლაში გამოიწვიეს

ჩენდლერს გეიჯთან შეხვედრა სურს

ასევე იხილეთ

უახლესი ამბები