ბუდაპეშტში მიმდინარე მსოფლიოს ჭაბუკთა ჩეპიონატის პირველ დღეს საქართველოს ბერძნულ-რომაული სტილით ნაკრების წევრები ლუკა ჯავახაძე (48 კგ), ანრი ფუტკარაძე (65 კგ) და აჩიკო ბოლქვაძე (80 კგ) ფინალში გავიდნენ და ხვალ ჩემპიონობისთვის იბრძოლებენ, ბრინჯაოს მედლისთვის თამაზ ღლონტი (55 კგ) იჭიდავებს.

ჯავახაძემ (48 კგ) უკრაინელ კუტილს 5-1, რუს ბონდარს 7-6 და ყაზახ აშრაპოვს 3-3ზე მოუგო ფინალში კი თურქ ანგის შეხვდება.

ფუტკარაძემ (65 კგ) საფინალო გზაზე შვედი ბაფი 7-0, უზბეკი იშონკუაევი 7-0 და თურქი კარა 5-4 დაამარცხა, ოქროს მედლისათვის კი უკრაინის წარმომადგენელ ქართველ იმედა ხუჯაძეს შეხვდება.

ბოლქვაძემ (80 კგ) ფინალისკენ მიმავალ გზაზე სამივე მეტოქე აშკარა უპირატესობებით დაამარცხა, ყაზახ კორგანოვს 9-0, რუმინელ გორდანს 9-0 და აზერბაიჯანელ სამადოვს 8-0 მოუგო, ფინალში ჩვენებურის მეტოქე რუსეთის წარმომადგენელი კამალუდინ მაგომედოვი იქნება.

ფინალური ბლოკი 24 ივლისს, 20:00 საათზე დაიწყება.

3 ოქროს და 1 ბრინჯაოს შანსი

ფინალური ბლოკი 24 ივლისს, 20:00 საათზე დაიწყება

ასევე იხილეთ

უახლესი ამბები