ტოკიოში მიმდინარე ზაფხულის XXXII ოლიმპიური თამაშების მესამე საშეჯიბრო დღეს, ასპრეზობებში ხუთი ქართველი სპორტსმენი ჩაერთო. ძიუდოში ჩვენს ქვეყანას ეთერ ლიპარტელიანი და ლაშა შავდათუაშვილი წარმოადგენენ, კრივში - სახილ ალახვერდოვი და გიორგი ხარაბაძე. საჩოგბურთო კორტებზე კი ნიკოლოზ ბასილაშვილი გამოვა.

"კოკუგიკან არენაზე", მოკრივე სახილ ალახვერდოვი ტურნირის პირველ რაუნდში ჩინეთის წარმომადგენელს, ჟიანგუან ჰუს დაუპირისპირდა. პირველ რაუნდში აზიელ სპორტსმენს მსაჯებმა მინიმალური უპირატესობა მიანიჭეს. ასევე, მეორე რაუნდშიც უკეთესი ჩინელი გახლდათ.

საბოლოოდ, ქართველი მოკრივე მესამე რაუნდშიც დამარცხდა, შეხვედრა 27:30 დათმო და ოლიმპიურ თამაშებს გამოეთიშა.

აქვე დავძენთ, რომ -75 კგ. წონით კატეგორიაში გიორგი ხარაბაძეს რინგზე დაახლოებით 14:00 საათისთვის უნდა ველოდოთ.

შეგახსენებთ, რომ საქართველოს დელეგაციას მიმდინარე ტოკიო 2020-ზე მხოლოდ ერთი მედალი აქვს. გუშინ, 25 ივლისს, -66 კგ. წონით კატეგორიაში ძიუდოისტმა ვაჟა მარგველაშვილმა ვერცხლის მედალი მოიპოვა.

ალახვერდოვი ოლიმპიადას გამოეთიშა

ქართველი მოკრივე ჩინელი მეტოქესთან დამარცხდა

ასევე იხილეთ

უახლესი ამბები