ტოკიოს XXXII ოლიმპიური თამაშების მეხუთე საშეჯიბრო დღეს ლაშა ბექაურმა ძიუდოში მოპოვებული ოქროს მედლით საქართველოს ჰიმნი ააჟღერა.

მომავალმა ტრიუმფატორმა ტოკიოში გამგზავრებამდე თქვა, რომ ოთხგზის ოლიმპიურ ჩემპიონობას აპირებს.

21 წლის ბექაურმა ოცნებისკენ ნაბიჯი გადადგა. დამოუკიდებელი საქართველოს სახელით ძიუდოში მეოთხე ოლიმპიური ჩემპიონი გახდა. ამასთან 90 კილოგრამ წონით კატეგორიაში. წონაში, რომელიც ქართული ძიუდოს სკოლისთვის ტრადიციულად წარმატებულია. ბექაურამდე ამ წონის ჩემპიონები გახდნენ ზურაბ ზვიადაური (ათენი-2004) და ირაკლი ცირეკიძე (პეკინი-2008).

და კიდევ, საქართველო მედლების ჩათვლაში ვაჟა მარგველაშვილის და ლაშა შავდათუაშვილის ვერცხლის მედლებით თუ ამ მომენტისთვის 36-ე საფეხურზე იყო, ბექაურის ტრიუმფის შემდეგ, საქართველო მე-19 საფეხურზე დაწინაურდა.

გარდა ამისა, საქართელოს ნაკრები ტოკიოს თამაშებზე ერთადერთი გუნდია, რომელმაც ძიუდოში იაპონელების შემდეგ, ოქროს მედალი მოიპოვა. 90 კილოგრამში ოთხ წონაში გათამაშებული მედლების კომპლექტიდან ოთხივე ოქრო მასპინძლებმა დაისაკუთრეს.

ბექაურმა საქართველოს ჰიმნი ააჟღერა

21 წლის ბექაურმა ოცნებისკენ ნაბიჯი გადადგა

ასევე იხილეთ

უახლესი ამბები