პოლონეთში მიმდინარე ჭაბუკ ძალოსანთა ევროპის ჩემპიონატზე ზურაბ ანთაურის გუნდი ბრწყინვალე გამოსვლას განაგრძობს. ლევან ოჩიგავა ევროპის ჩემპიონია! ძალოსანმა 3 ოქროს მედალი მოიპოვა, ასევე ევროპის 1 და საქართველოს 3 რეკორდი დაამყარა.

ლევან ოჩიგავამ მთავარი მწვრთნელის ყველა მითითება შესანიშნავად შეასრულა, 117/146/263 კგ. დაძლია და სამი ოქროს მედლის მოპოვება შეძლო. გარდა ამისა ძალოსანმა აკვრაში ევროპის რეკორდი დაამყარა და საქართველოს რეკორდები ატაცში 2კგ.-ით, აკვრაში 4კგ-ით, ხოლო ორჭიდში 8კგ-ით გააუმჯობესა.

ლევანის შესანიშნავი ასპარეზობის წყალობით, პოლონეთში საქართველოს ჰიმნი კიდევ ერთხელ აჟღერდა! აქვე მოგახსენებთ, რომ 19:00 საათზე გოგონათა შორის, მარიამ მაისურაძე 55კგ (U17) იასპარეზებს.

ლევან ოჩიგავა ევროპის ჩემპიონია

ძალოსანმა 3 ოქროს მედალი მოიპოვა

ასევე იხილეთ

უახლესი ამბები