პოლონეთში მიმდინარე ძალოსნობის ახალგაზრდულ ევროპის ჩემპიონატზე (U17) -81 კილოგრამ წონით კატეგორიაში წარმატებით იასპარეზა ნათია გადელიამ.

ქართველმა ძალოსანმა ატაცში სამი მცდელობიდან მხოლოდ ერთი გამოიყენა. პირველ მისვლაზე ნათიამ 87 კგ-იანი შტანგა ვერ დაძლია, თუმცა მეორე მცდელობით აღნიშნული წონა მაინც დააფიქსირა. ფიცარნაგზე მესამედ ასვლის შემდეგ, გადელია 89 კგ-ს ვერ გაუმკლავდა, მაგრამ მეორე ცდაზე დაფიქსირებული შედეგით მან პირველი ადგილი დაიკავა და ატაცში ევროპის ჩემპიონი გახდა.

აკვრაში ნათია გადელიამ პირველ მცდელობაზე 108 კილოგრამი წარმატებით დაძლია, რის შემდეგაც 113 კგ-საც გაუმკლავდა. მესამე ცდაზე კი 117 კგ დააფიქსირა და ამ დისციპლინაშიც ოქროს მედალი მოიპოვა.

ამასთან, ქართველმა ძალოსანმა ორჭიდის ჯამშიც (204) ყველას აჯობა და სამი ოქროს მედალი მოიპოვა და პოლონეთში საქართველოს ჰიმნი ააჟღერა.

ნათია გადელია ევროპის ჩემპიონია

ნათია გადელიამ პოლონეთში სამი ოქროს მედალი მოიპოვა

ასევე იხილეთ

უახლესი ამბები