ქართველი პარაძიუდოისტი, ინა ქალდანი ტოკიოში მიმდინარე პარალიმპიადაზე დღეს პირდაპირ მეოთხედფინალიდან ჩაერთო და მსოფლიო რეიტინგის მეორე ნომერი – მექსიკელი რუვალსაბა ალვარესი მახრჩობელა ილეთით დაამარცხა.

ნახევარფინალურ ეტაპზე, ქართველი პარასპორტსმენის მეტოქე იაპონელი ოგავა კაზუსა გახლდათ. საბედნიეროდ, ინამ წარმატების მიღწევა კვლავ შეძლო. მოწინააღმდეგე იპონით დაამარცხა და ფინალის საგზური მოიპოვა.

ფინალში ქალდანი მალდონადოს დაუპირისპირდა, რომელიც ბრაზილიის სახელით ასპარეზობდა. სამხრეთამერიკელმა ძიუდოისტმა ინა ვაზარით დაჯაბნა და ოქროს მედალი მოიპოვა.

აქვე მოგახსენებთ, რომ ინა არის პირველი ქართველი ქალი ძიუდოისტი, რომელიც საქართველოს ოლიმპიურ და პარალიმპიურ ისტორიაში ზაფხულის თამაშების ფინალში გავიდა.

ქალდანის ვერცხლი პარალიმპიადაზე

ინა ქალდანმა ისტორია დაწერა

ასევე იხილეთ

უახლესი ამბები