არიელ ჰელვანის მიერ გავრცელებული ინფორამციის თანახმად, 2023 წლისთვის MMA–ში ახალი ლიგა შეიქმნება, რომლის სახელწოდებაც World Fight League იქნება და ის UFC–სგან განსხვავებით, NBA–ის ფორმატით იმუშავებს.

ჩემს ხელთ არსებული ინფორმაციით, გავლენიანი პირები უკვე შეიკრბინენ და გადაწყვიტეს, რომ MMA–ის ახალი ლიგა შექმნან. ის არ იქნება ტრადიციული პრომოუშენის მსგავსი. რამდენადაც ცნობილია, WFL იმუშავებს იმავე პრინციპით, როგორც NBA, NFL და NHL.

აქ სპორტსმენთა ასოციაციაც იქნება. შემოსავლებს ისინი თანაბრად გაინაწილებენ. კარიერის დასრულების შემდეგ, ეს სამედიცინო დაზღვევისა და პენსიის გარანტია იქნება, რაც ნებისმიერი სპორტსმენისთვის მომხიბვლელი წინადადებაა. ლიგის ანონსს უახლოეს მომავალში ვიხილავთ, ხოლო მისი გახსნა 2023 წლისთვისაა დაგეგმილი.

მებრძოლებს გუნდების დაკომპლექტება მოუწევთ, ხოლო იმისთვის, რომ პლეი–ოფში გააღწიონ, შემდგომ ამ გუნდებმა ერთმანეთთან შინ და გარეთ პრინციპით უნდა იასპარეზონ.

გავრცელებული ინფორმაციით, ახალ ლიგაში ოთხი კონფერენცია იქნება: სამხრეთ ამერიკა, ჩრდილოეთ ამერიკა, აზია/ოკეანია და ევროპა/აფრიკა. თითოეულ გუნდში, სავარაუდოდ 24 სპორტსმენი იქნება და მათ ყველა წონაში, სამი წარმომადგენელი ეყოლებათ.

I’ve got more info on the new MMA promotion, the World Fight League, here: https://t.co/XFHEHl6Gsv
— Ariel Helwani (@arielhelwani) September 17, 2021

WFL – ახალი ლიგა MMA–ში, რომელიც NBA–ის პრინციპით იმუშავებს

WORLD FIGHT LEAGUE

ახალი ლიგის გახსნა 2023 წლისთვის იგეგმება

ასევე იხილეთ

უახლესი ამბები