რუსეთის ხელბურთის ფედერაციის ცნობით, ახალგაზრდული ნაკრების მოთამაშეები, ფსონებს საკუთარ თამაშებზე დებდნენ. ისინი ეროვნული გუნდიდან დროებით მოკვეთეს. ეთიკის კომიტეტის ცნობით, ასეთი სულ რვა სპორტსმენია. როგორც ირკვევა, ისინი ტოტალიზატორებთან თანამშრომლობდნენ.

ფედერაციის წარმომადგენლებმა, ამ ყველაფერში ეჭვი მაშინ შეიტანეს, როცა ხორვატიაში გამართულ ახალგაზრდულ ევროპის ჩემპიონატზე, მათმა ნაკრებმა 16 მონაწილე გუნდს შორის, მხოლოდ მე-15 ადგილის დაკავება შეძლო.

ნაკრებიდან მოკვეთილი მოთამაშეების ვინაობა გასაჯაროვდა. მათ შორის არიან: გიორგი კირილენკო, მაქსიმ ნაიდუნოვი, მაქსიმ ერმოლინი, დანილ დიმიტრიევი, დიმიტრი ფროლოვი, ნიკიტა გოგოლევი, ალექსანდრ მოროზოვი და დიმიტრი კანდიბინი.

"სპორტსმენები აუცილებლად უნდა დაისაჯონ. ეს ფაქტი შეურაცხმყოფელია რუსული ხელბურთისთვის და ზოგადად სპორტისთვის. გაჩერებას არ ვაპირებთ. მაქსიმალურად ვეცდებით, ყველა დამნაშავე გამოვავლინოთ", - ნათქვამია განცადებაში.

ხელბურთის ფედერაციის პრეზიდენტი, სერგეი შიშკარევი კი ამბობს, რომ თავდაპირველად მას ამ დასკვნების არ სჯეროდა: "ეთიკის კომისიის მიერ გაკეთებული დასკვნები ჩემთვის დაუჯერებელი იყო და მასში ეჭვი შევიტანე. სამწუხაროდ, ყველაფერი იქითკენ მიდის, რომ ეს მწარე სიმართლეა. ველოდებით გამოძიების დასრულებას. თუ ეს ყველაფერი ოფიციალურად დადასტურდება, დიდი ალბათობით, თითოეული სპორტსმენი, სამუდამო დისკვალიფიკაციით დაისჯება. ეს ქვეყნის ღალატის ტოლფასია".

რუსი ხელბურთელები ფსონს საკუთარ მატჩებზე დებდნენ

სკანდალი რუსულ ხელბურთში

ასევე იხილეთ

უახლესი ამბები