19 სექტემბერს, რუსთავის საერთაშორისო ავტოდრომზე კომპანია სოკარისა და კროკობეთის მხარდაჭერით ავტომოყვარულთათვის PRO-კატეგორიის დრიფტის სერიები გაიმართა, სადაც მონაწილეობა არაერთმა ცნობილმა ქართველმა მრბოლელმა მიიღო.

დრიფტში მრბოლელებს შორის ფავორიტებად მევლუდ მელაძე და ნოდარ კოდუა მიიჩნეოდნენ. საბოლოოდ კი გამარჯვება ამ უკანასკნელმა მოიპოვა. მელაძე კი შეჯიბრს მეოთხედფინალური ეტაპიდან გამოეთიშა, როდესაც ერთ-ერთი გარბენის დროს ტრასიდან გადავიდა და მეტოქეს კონკურენცია ვეღარ გაუწია.

საინტერესო და დაძაბული გამოდგა მესამე ადგილისთვის ბრძოლა. ორი გარბენის შემდეგ, გამარჯვებულის გამოვლენა ვერ მოხერხდა და დამატებითი შეჯიბრი დაინიშნა, თუმცა სამსონ წიქარიშვილის ავტომობილი მწყობრიდან გამოვიდა, რის გამოც მრბოლელი ჩაეხსნა და მესამე ადგილი გუგა კირვალიძემ დაიკავა.

მეორე ადგილზე კი ნისან სილვიას პილოტი, ალექსანდრე ხეროდინაშვილი გავიდა.

Drift Series 2021

ასევე იხილეთ

უახლესი ამბები