სპორტულ წყვილებში ფიგურული ციგურაობის ქართულმა დუეტმა 17 წლის კარინა საფინასა და 18 წლის ლუკა ბერულავას შემადგენლობით, პეკინის 2022 წლის ზამთრის ოლიმპიური თამაშების ლიცენზია მოიპოვა.

ობერსტდორფში მიმდინარე ჩელენჯერზე საქართველოს წარმომადგენლებმა ბრწყინვალედ იასპარეზეს. ოლიმპიური თამაშების საგზურს 3 საუკეთესო დუეტი იღებდა და ქართველმა მოციგურავეებმა სწორედ მე-3 ადგილი დაიკავეს.

საფინამა და ბერულავამ მოკლე პროგრამაში 66.46 ქულა მიიღეს და პირველ ადგილზე გავდნენ, თავისუფალ პროგრამაში კი მსაჯებისგან 111.70 ქულა (54.16 ტექნიკური ელემენტებისთვის+57.54 პროგრამული კომპონენტებისთვის) ერგოთ, რაც მე-3 შედეგი აღმოჩნდა.

არის ლიცენზია! - ქართველები პეკინის ზამთრის ოლიმპიადაზე

ასევე იხილეთ

უახლესი ამბები