ზაგრების გრან პრის მეორე საშეჯიბრო დღეს, სამმა ქართველმა სპორტსმენმა იასპარეზა. –73კგ წონით კატეგორიაში ჯუმბერ მელაძე გამოვიდა, ხოლო -81კგ–ში ტატო გრიგალაშვილი და ზაურ დვალაშვილი ასპარეზობდნენ.

მელაძემ პირველი შეხვედრა ვაზარით მოიგო. მან ბრიტანელი დანიელი პოუელი დამატებით დროში გამოიჭირა. 1/8 ფინალში კი ის ესპანელმა სალვადორ კასეს როკამ იპონით დაამარცხა.

ზაურ დვალაშვილი ესპანელ ხოსე მარია მენდიოლასთან პირველივე წრეში დამარცხდა. რაც შეეხება ტატო გრიგალაშვილს, მას მოლდოველი ზარობოსიჩის დასაიპონებლად ათი წამი დასჭირდა და პირველი შეხვედრა მარტივად მოიგო. შემდეგ კი ფრანგი ბაპტისტ პიერი სეოი-ნაგეთი დაამარცხა და 1/2 ფინალში გავიდა. მესამე დაპირისპირებაში ტატომ კვლავ იპონით იმარჯვა. მისი მოწინააღმდეგე ნიდერლანდელი ჯიმ ჰეიჯმანი იყო, რომელსაც ქართველმა სპორტსმენმა 33 წამში ხელის მტკივნეულით მოუგო.

ფინალში ტატო გრიგალაშვილის წინააღმდეგ, ბრაზილიელი გილერმე შმიდტი გამოვიდა, რომელთანაც ურთიერთშეხვედრებში უპირატესობას ტატო ფლობდა. საბედნიეროდ, გადამწყვეტ შეხვედრაში, ქართველმა სპორტსმენმა წარმატების მიღწევა ისევ შეძლო და ოქროს მედალს დაეუფლა! გრიგალაშვილმა მეტოქეს ვაზარით მოუგო!

ტატო გრიგალაშვილი ოქროს მედლის მფლობელია

ასევე იხილეთ

უახლესი ამბები